Lukase 9:10 - Nouveau Testament en Ngienboum

¹⁰ Megàŋ ntúm Yěsô piŋ nzèm, ḿbíte pá’ pɔ́ lɔ̌g fa’ pú’u, éshwóŋó yé. Yěsô jú’, ḿbiŋ faga wɔ́b, pâ pɔ̌ tsẅe nùɔ, ńgʉa lê shÿó tÿǒsoŋo Mbetsayida.

Lukase 9:10 Referans Kwoze

Matio 11:21

Á gɔɔn né pɔ́b ngie: Ndoon ee twó pi pʉ̀a Kolazîŋ, mbɔɔ twó pi pʉ̀a Mbetsayida, menò mɔ̀ɔn mie mé la gÿo tsetsɛ̀ɛ pi, é laa pé’e ńgwɔ́ pɔ́ tsɛ̀ɛ tÿǒsoŋ Tir pɔ́ Sidoŋ, mbà pɔ́ leen ńdá’ ńkúbe mà, ḿmÿɔ́g, éshʉa mepɔ́ɔn ḿma’, ńzɔ́’ɔ pfó ńdɔg ńdúŋ

Heber 13:17

Pi jú’ ncwò pʉ̀a pie pɔ́ tsyeen gẅí. Pi ná nnɛ́ ssé mvfò pɔ́b, á nue pɔ́ ne ńdíe gẅi ngwòŋ fʉ̀’ ntsèm, ńne ńzsé ngie pɔ́ ge lá’ tyé mvfò Ssé píte ntí gie pɔ́ la lɔg fa’a tsetsɛ̀ɛ pi. Pú’u la, pi gÿo nà ntí gie pɔ́ ge fa’a fà’ yɔ́b nê lekág, tà pɔ́ le ne ńga’te ga’te wɔ́, á nue á lɔɔn ńgwɔ́ pú’u, pi le zẅɛ́’.

Lukase 10:17

Epʉ̀a ntsɔ̀b pʉ́a lê móm sɔɔn mbʉ́a pie Yěsô la túm la, é gʉa, ńgwaa piŋ nzèm ńgiŋe ńkága tɛ’, ńgɔɔn mbwo Yěsô ngie: Tá weg, afà’ pǔ ńgiŋ tɛ’ tà peg lɔg lezíŋ shú, ńgɔɔn nò mbwo *messé tepòŋ, pɔ́ jú’ ncwò wég.

Ŋwà’ne Jâŋ 1:44

Filib ŋwɛ́ laa nyìŋ Mbetsayida, á tÿǒsoŋo pà Ndeléya pɔ́ Piɛ.

Malékuse 2:7

Nyìŋ wɔɔn shwóŋó lêkɔ́ lɛ? À zoonté Ssé. E Ssé gílé yé zɔ ku’u lélege menò tepòŋ nyìŋ.