Lukase 9:1 - Nouveau Testament en Ngienboum

¹ Yěsô gÿo ńcú’te pʉ̀a ntsɔ̀b pʉ́a nê legém, ńná metʉ̀ mbwo pɔ́b, pɔ́ ku’u lélɔg lezíŋ sé ńjwoŋ *messé tepòŋ ntsèm mie é pue pʉ̀a, mbɔɔ légÿo meguɔ zeŋe.

Lukase 9:1 Referans Kwoze

Ŋwà’ne Jâŋ 14:12

Tà mèŋ shwóŋó gẅí, kwà’ nénʉ́, nyìŋ záb ntʉ́m ná Mèŋ, mbà à ge fa’ yé mefà’ mie mèŋ ne fa’a, tà mé fáŋ ńtɔ́g mɔ́ɔn, á nue mèŋ n gee né lejʉ́ŋ Tá.

Lukase 10:19

Pi jú’, mèŋ n ka gwaa túmo gẅi pá’a, ńnáa gẅi métʉ̀ lélɔg neŋte membɔ́ɔn pâ pàmangɔ̂ɔn ssé, ńgíŋ ńnáa gẅi metʉ̀ lélɔg ńcʉa Sátà, ngàŋ mbù tà tsɔ́ mmó le gẅi gÿo.

Megàŋ ntúm 4:30

Náa weg metʉ̀ lélɔg ńgÿo pʉ̀a zeŋe, lélɔg ńgÿo menò mmɔɔn mmɔɔn pâ ndàa gyá, á ná lezíŋ Yěsô, á ngàŋa fà’ gú gẅie ɔ̀ la tsɔ́’.

Matio 16:19

Mèŋ n ge gÿo ná metsɔ́’ɔ lélɔg ńtsɔ́’ nzsè *lefùɔ Ssé á mbwó gù. Àmmó gie ɔ̀ ge gÿo lʉ’ʉ ndùmo ssé tsetsá’, mé gÿo ńdʉ’ʉ tÿǒ lepwó. Àmmó gie ɔ̀ ge zẅíŋe á ndùmo ssé tsetsá’ mé ge gÿo zẅíŋe tÿǒ lepwó.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 9:34

Piɛ gɔɔn né yé ńgie: Enée, Yěsô Kristo gÿǒ ɔ̀ zeŋe. Lu ssé, kwà’ gù zɔ cwoŋte kǔ ɔ́. Enée gwóon ńdu ssé.

Megàŋ ntúm 3:16

Áa nà fʉ̀’ɔɔn, pi ne ńgyá nyìŋ wɔɔn, ḿbiŋ ne ńzsé yé. Á cʉ̌a pɔ́ nà wég lézáb ntʉ́m nà Yěsô ŋwɛ́ tá lezíŋ sé ná metʉ̀ mbwo yé, á lɔg ńdu ssé ńtyé mvfò pi. Á cʉ̌a pɔ́ nà lezǎb ntʉ́m ná Yěsô tá á gwɔ́ ntentʉ́ pá’ pi ne ńgyá lɛ̀.

Matio 4:24

Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.

Matio 8:9

Mèŋ n gɔɔn pá’ɔɔn ńgwɔ́ yɔ́ɔn nzèm nyìŋ, ńjú’u ncwò wé, ńgíŋ ńgẅiin yɔ́ɔn pà lÿɔ́’ ncù nzèm mèŋ, pɔ́ ne ńjú’u wɔ̀ɔn. N dɔɔn ńgɔɔn né tsɔ̌ ngie gʉa, á gʉa, ńgɔɔn né tsɔ̌ ngie, too, á to, ḿbiŋ ńgɔɔn né nkwɔɔn yɔ̀ɔn ngie gÿo pá’ɔɔn, á gÿo.

Lukase 10:1

Yɔɔn nò tɔ́g, Yěsô tsɔ́’ tsɔ́ *ngàŋa kwò yé ntsɔ̀b pʉ́a lê móm sɔɔn mbʉ́a, ńtúmó wɔ́b mépʉ́a mepʉ́a ngie pɔ́ vɔg ńgwɔ́ mvfò ńgiŋe tsɛ̀ɛ metÿǒsoŋ pâ mejʉ’ mie à ge gÿo pú cʉa wó.