Lukase 8:43 - Nouveau Testament en Ngienboum

⁴³ Tsɔ̌ manzwě gwɔ́ yé nùɔ, ńgẅiin guɔ máshuɔ, mbà á gegé yé gege ngù’ ntsɔ̀b pʉ́a nê legém, ńké tè zá’a, mbà pàgÿo meffò léen ńzoŋ yɔ́b kékáŋ tà ńkʉ́a, á pú sẅiŋ sé shúm ntsèm ntsèm pɔ́ mǒ, ńké te zeŋe.

Lukase 8:43 Referans Kwoze

Lukase 13:16

Ńgʉa ná manzwě wɔɔn gẅie aa nà ngẅɛ̀ Ábalam, mbà Sátà la leen ńkwɛ́ɛ yé, tà ée fʉ̀’ɔɔn ńdɔgɔ ńgwɔ́ ngù’ ntsɔ̀b lefɔ̌ɔn nê legém, mèŋ n kɔ’ɔ́ le kyɛ́’ nkÿo ná yé lyɛ̌’ɔɔn wɔ́, mélà’mie yɔɔn lyɛ̌’ɛ́ nzsè lá!

Ŋwà’ne Jâŋ 9:1

Yěsô gÿo ne ńcʉa tsɔ́ jʉ’, ńgyá tsɔ̌ fʉ̀ menÿɔ́g, mbà mé la zyé yé á gwɔ́ pɔ́ fʉ̀.

Lukase 13:11

Tsɔ̌ manzwě gwɔ́ yé wó, mbà é gÿǒ ngù’ ntsɔ̀b lefɔ̌ɔn nê legém pá’ tsɔ̌ *ssé tepòŋ la gwoon yé ḿbwɔ́’ nkà’ wé. Tà tsɔ̌ légíŋe ḿbʉ’ʉ nnɛ́ ńtyé tyé te wó wɔ́.

Lukase 8:27

Yěsô kẅɛɛ tsɛ̀ɛ kanú’, atsɔ̌ nyìŋ tÿǒsoŋ kẅɛ ńzá’a yé, ńgwɔ́, mbà *messé tepòŋ léen ḿbue yé tà á cʉ́’ʉ ńgwá ńgiŋe pɔ́ tè jÿɔ̌g nzsǒ, ḿbiŋe ńdá’a pɔ́ jʉ’ gie mé túŋo mepfó wó, mbà à la lá’ ńgwá’ mbʉ̀a ye.

Megàŋ ntúm 4:22

Á gíŋ ńgwɔ́ gwɔ́ nyìŋ gẅie à la zeŋe nà ntí ye mmɔɔn mmɔɔn lɔɔn, la gwaa gwɔ́, mbà à tɔ̌g ngù’ móm lekúa.

Megàŋ ntúm 3:2

Á gwɔ́ gwɔ́, mbà mé lɔ́ɔn ńkaa tsɔ̌ ngàŋa kwʉ́’te ńdɔgɔ ńtóo lyɛ̌’ ntsèm, ńnéŋe yé ncwò kɔ̀’ gẅie mé tóŋ le ncwò ndá meshùm. Pá’ à ge lúɔ shúm mbwo pʉ̀a pie pɔ́ cʉa jʉ’ó ńgee tsɛ̀ɛ jʉ’e Ssé. Wɛ̌ nyìŋ gwɔ́ gẅie mé la gwɔ́ zyé yé á gwɔ́ pɔ́ ngàŋa kwʉ́’te.

Ŋwà’ne Jâŋ 9:21

Tá ńgʉa ná pá’ á ně ńgÿo tá á ne ńgyá jʉ’ fʉ̀’ɔɔn, mbà peg kaa nò mǒ zsé. Ka wɔ̌ ně ńgÿo menÿɔ́g mé nyɛ́’ɛ wɔ́, mbà peg giŋé tè ne ńzsé wɔ́. Pi zɛ́te yé, à tè nyé ńgwɔ́ pɔ́ múɔ légɔɔn nò gie áa ná yé wɔ́.

Malékuse 9:18

E *ssé tepòŋ ŋwɛ́ lɔɔn ńgwɔ lu ssé ná yé, á gwɔ́ nzɔ̌ jʉ’ wɔ́, é tsẅí’i yé ḿma’a pɔ́ ssé, á tiŋ, éfu’ metyé, ḿpfɛ́ mesoŋ mé. Mèŋ n tǒ pá’a, ésẅíŋte *ngàŋa kwò ɔ́ ngie pɔ́ jwoŋ *ssé tepòŋ ya yɛ̌, pɔ́ té mǒ ku’.

Malékuse 12:44

Petsɔ́ pʉ̀a zɔ̌ɔn ńtó yɔ́b, ńnéŋ pɔ́ metwó nkáb mɔ́b, tá ńgʉa nà mpfɔ̌g manzwě wɛ, à tsɛ ńgwɔ́ pɔ́ mbóŋ tá’, à něŋ wé ndà’a mmó gie á ke ńgẅiin lélɔg ńjú sé shúm.

Lukase 8:42

ńgie míŋ we cʉ’ʉ́ ńkwé kwě. Aa ndà’ míŋ we, ńgwɔ́ múɔ manzwě, tà ńgẅiin ngù’ ntsɔ̀b pʉ́a. Yěsô jú’ pú’u, ńdu Ssé pɔ́ yé gʉa, alá’ zse nzèm ye, ńtÿɔ́’ɔ yé ńnéŋe soŋ tà jʉ’ cʉ́’ʉ sẅíbe sẅibé.

Lukase 8:44

Á ná’te, éfóo nzèm, ńtó ńkíbe tsɔ̌ɔn nzsó Yěsô. Aguɔ yé gwóon ḿmag.