Lukase 8:41 - Nouveau Testament en Ngienboum

⁴¹ Atsɔ̌ ndÿò tsɛ̀ɛ *ndá cú’tè pà Yuda tó, lezíŋ sé gwɔ́ le Yayelo, ńnuŋe mekwò Yěsô, ḿbú’ mbwó mbwo yé ngie à tó tà ńkúu ndá yé,

Lukase 8:41 Referans Kwoze

Megàŋ ntúm 18:8

Krispus gẅie aa ndÿò tsɛ̀ɛ *ndá cú’tè pà Yuda pâ ngẅɛ̀ ndá ye ntsèm gÿo ńzáb ntʉ́m wɔ́b ná Cʉ̀apʉ̀a. Mé nu’u wɔ́b ntse. Pʉ̀a Korento tà ńgyɔ́ɔn jú’u shwóŋè Pɔl ńzẅíŋ yɔ́b légwɔ́ pʉ̀a Kristo. Mé nu’u wɔ́b yɔ́b ntse.

Megàŋ ntúm 13:15

Mé tóŋo shwóŋè Ssé tsɛ̀ɛ ŋwà’ne *lepʉ̌ mbɔɔ tsɛ̀ɛ meŋwà’ne pà *ntsẅì nkʉ̀ Ssé, ńtóŋ tà ńtsẅé jʉ’, melÿo tsɛ̀ɛ yɛ̌ *ndá cú’tè túm mé gʉa ńzɛ́te wɔ́b ngie: Mefɛ́, pi lɔɔn ńgẅiin shwóŋè lélɔg ńkẅiŋte pʉ̀a, pi ná.

Lukase 13:14

Tá ndÿò tsɛ̀ɛ *ndá cú’tè pà Yuda gyá pú’u, anò gyáŋa yé, mélà’mie Yěsô gÿǒ nyìŋ zeŋe lyɛ’ɛ́ nzsè. Á gɔɔn mbwo lá’ ngie, melyɛ’ɛ́ fà’ ée pá’a ńgwɔ́ ntɔgɔ́, pi ńnéŋe ńdɔgɔ megùɔ mí ńtóo ná mɛ̌ melyɛ̌’ mé zoŋo gẅí, tà pi tó lyɛ’ɛ́ nzsè!

Lukase 8:49

ńně ńgɔɔn mbwo yé pú’u, nyìŋ fóo mbʉ̀a Yayelo ńgɔɔn né Yayelo ngie, tè gíŋ ńgege Ndè sẅɛ̀ɛ sẅɛ̀ɛ, míŋ ɔ̀ kwě.

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.

Megàŋ ntúm 18:17

Pɔ́b métsèm gwoon Sostɛne gẅie aa ndÿò tsɛ̀ɛ *ndá cú’tè pɔb, ńzye pɔ́ jʉ’ gie mé sá’a ntsaŋ wó lécua yé. Galion tè tsɔ́b.

Megàŋ ntúm 9:38

Pʉ̀a Kristo jú’ ngie Piɛ aa Lida, pá’ ngʉ̀a léfó Lida ńkúu Jope piŋ ńké tè sag la, pʉ̀a Kristo pe Jope túm mbàŋa yépʉ́a. Pɔ́ gʉa ńgɔɔn né Piɛ ngie: Tsétsɔ’, sẅɛte ńtó tà ńkúu mbʉ̀a peg.

Lukase 17:16

Ńtó ńnuŋe mekwò Yěsô, ńcÿɔ’ɔ zí yé ssé, ńná ndǎg mbwo yé. Angàŋ laa nyìŋ Samalîɛ.

Lukase 5:8

Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Ŋwà’ne Jâŋ 11:21

Mágtà tó ńgɔɔn né Yěsô ngie: Andè, ɔ̀ kaa pé’e ńgwɔ́ jʉ’ɔɔn, mbà fɛ́ wɔ̀ɔn ka tè kwé.

Lukase 8:42

ńgie míŋ we cʉ’ʉ́ ńkwé kwě. Aa ndà’ míŋ we, ńgwɔ́ múɔ manzwě, tà ńgẅiin ngù’ ntsɔ̀b pʉ́a. Yěsô jú’ pú’u, ńdu Ssé pɔ́ yé gʉa, alá’ zse nzèm ye, ńtÿɔ́’ɔ yé ńnéŋe soŋ tà jʉ’ cʉ́’ʉ sẅíbe sẅibé.