Lukase 8:21 - Nouveau Testament en Ngienboum

²¹ Á tsɔ́’ ngie: Má wɔ̀ɔn pâ mefɛ́ pɔ́ɔn ée pʉ̀a pie pɔ́ jú’u nò Ssé, ńgÿo pá’ á ne ńzɛ́te.

Lukase 8:21 Referans Kwoze

Ŋwà’ne Jâg 1:22

Tà pi gwɔ́ pàjú’u shwóŋè Ssé jú’ ndà’, pi gÿo mmó gie shwóŋè ŋwɛ́ gɔɔn ngie pi gÿo. Tà á té pú’u wɔ́, mbà pi sele fʉte mennɛ́ mí.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

2 Korento 6:18

Mèŋ n ge gÿo gwɔ́ mbwo pi é gwɔ́ tá gẅi, Pi gwɔ́ mbwo mèŋ, ńgwɔ́ púɔ pɔ́ɔn pe mbàŋa mbɔɔ pe pànzwě, Cʉ̀apʉ̀a, ngàŋa tʉ̀ ntsèm zɔ gɔɔn.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 28:10

Yěsô leen ńké ńgɔɔn né pɔ́b ngie: Tà pi pɔ́g. Pi gʉa ńtsẅi né mefɛ́ pɔ́ɔn, ńgie pɔ́ gʉa né Galilea, ńgie pɔ́ ge gyá wɔ̀ɔn pɔ́ wó.

Matio 25:45

Fùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la tè gÿó mɔɔn menò á ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi la gíŋe tè mmó ná mèŋ gÿo.

Lukase 8:20

Mé tó, ńgɔɔn né Yěsô ngie: Má ɔ̀ pâ mefɛ́ pú ée pi ně fa’a légyá ɔ́.