Lukase 8:2 - Nouveau Testament en Ngienboum

² Tsɔ́ ntá’ pànzwě gwɔ́ yɔ́b nùɔ, ńgwɔ́ pie à la zoŋ meguɔ ná pɔ́b, ńgÿo pie à la jwoŋ *messé tepòŋ mie é laa ná pɔ́b ńně ḿbue wɔ́b. Wɔɔn laa Malîɛ múɔ Magdala gẅie à la jwoŋ *messé tepòŋ sɔɔn mbʉ́a ná ye,

Lukase 8:2 Referans Kwoze

Malékuse 16:9

Yěsô la zíme na legwé, á mba’ámba’ mvɔ́g mvfò lyɛ̌’ nà ngàba lá’, ḿvɔg ńnyɛ mbùm ye mbwo Malîɛ Magdala wá gẅie *messé tepòŋ sɔɔn mbʉ́a la gwoon yé, ńne ḿbue yé tá Yěsô kẅé yé mbwo pɔ́b la.

Ŋwà’ne Jâŋ 19:25

Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Megàŋ ntúm 1:14

Pɔ́b métsèm lɔ́ɔn ńdɔgɔ tà’a zẅìge ésẅíŋte Ssé té tsó, pâ Malîɛ má pà Yěsô, ńgÿo petsɔ́ pànzwě mbɔɔ mefɛ́ Yěsô.

Lukase 23:55

Pànzwě pie pâ Yěsô laa nùɔ, tà fó Galilea la zse nzèm Yesyɛ̌b tà ńkúu lesyè, ńgyá pá’ à nuŋé pfó Yěsô pú’u,

Lukase 23:49

Ngwòŋ mesǒ Yěsô, tà mbɔɔ pànzwě pie pɔ́ la fó Galilea ńcʉ́me nzèm yé la tyé pɔ́ tàa nzèm tá ńgyá mɔɔn menò.

Lukase 23:27

Alá’ laa nzèm tà ńgyɔ́ɔn, pànzwě gwɔ́ nùɔ ńdʉa ńtʉ́ʉ ngɔ́’ Yěsô.

Lukase 8:30

Yěsô zɛ́te nyìŋ ŋwɛ́ ngie: Lezíŋ shú ée le wɔ̌? Á gɔɔn ngie: Menùɔ. À lɔ̌ɔn ńgɔɔn pú’u, mélà’mie *messé tepòŋ ŋwɛ́ laa ná ye tà ńgyɔ́ɔn gyɔ́ɔn.

Malékuse 16:1

*Alyɛ’ɛ́ nzsè pà Yuda ŋwɛ́ gÿo ńtɔ́g, Malîɛ Magdala pɔ́ Salomé, ńgÿo Malîɛ má pà Jâg, gʉa ńjúu laméndɔ́ɔn lélɔg ńzɔ́’ɔ pfó Yěsô.

Matio 4:24

Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.