Lukase 8:16 - Nouveau Testament en Ngienboum

¹⁶ Ńgwɔ́ nyìŋ le lyɛɛ lâm ńdɔg ngwʉ̌ŋ ńkábte wɔ́, ndʉŋ ndʉŋ pá’ à lɔɔn ńgwɔ́ mé le lyɛɛ lâm ńtÿɔ́gɔ kesse kǔ wɔ́. Mé lyɛɛ lâm ńtÿɔ́gɔ ndùm tápele, tà nyìŋ gwaa kúu ndá ńne ńgyá kyɛ̀’.

Lukase 8:16 Referans Kwoze

Lukase 11:33

Mé té lyɛɛ lâm pá’a légʉa ńtÿɔ́gɔ jʉ’ʉ lelyěen wɔ́, ḿbiŋ ńké tè lyɛ tà á ku’ mé kaa loŋgá ńdɔg ńkábte wɔ́. Mé lyɛɛ lâm, ńkaa ńtÿɔ́g pɔ́ ná tápele, á jʉ’ gie á ŋá’te lê tÿǒ, légwɔ́ gie pʉ̀a é ge gwɔ kúu ndá, é gyá à ne ńkyɛ’ɛ jʉ’.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 11:4

Pɛ̌ pʉ̀a mépʉ́a pie pɔ́ gɔɔn nò gie pɔ́ zsé ná mèŋ, ée metÿǒ mèvɛ olive mémbʉ́a, ńgÿo melâm mémbʉ́a mie é tyé mvfò Cʉ̀apʉ̀a gẅie à sá’a njÿó ntsèm.

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.