Lukase 8:1 - Nouveau Testament en Ngienboum

¹ Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Lukase 8:1 Referans Kwoze

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.

Megàŋ ntúm 13:32

Peg yég, peg tyě pá’ɔɔn, ńne ḿbÿé gẅi á yɛ̌ nò mbòŋo. Á gwɔ́ nò gie e Ssé la lá’ ńka’a mbwo pàmangʉa njʉ’ pà Israel.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Malékuse 1:39

Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

Matio 11:1

Yěsô la gɔɔn yɔ̀ɔn nò mbwó *ngàŋa kwò yé ntsɔ̀b pʉ́a nê legém tà ńtsẅé jʉ’, éfo jʉ’ó ńgʉa, ńgiŋe ńzí’i pʉ̀a mmó ḿbiŋe ńtsẅì nkʉ̀ mbòŋo tsɛ̀ɛ metÿǒsoŋ na yɛ̌ pàga ngwòŋ.

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Lukase 1:80

Míŋ Sakarîɛ gÿo ḿbʉ́le ńgú’ tà ńcʉ́’ʉ ndÿò, ńgʉa ńnéŋe nkwòŋo tsẅɛ̀, ńdá’a ńtsẅé pɔ́ wó tà ńkúu lyɛ̌’ gie à la nyɛ mbum ye mbwo pʉ̀a Israel.

Lukase 9:6

Pɔ́ lêen ńké ńgʉa, ńkʉ́’ʉ melá’ melá’, ńgiŋe ńtsẅii Nkʉ̀ Mbòŋo gẅie é fóo mbwo Ssé, ńgíŋe ně ńgÿo megàŋa guɔ zeŋe.

Lukase 20:1

Yěsô gwɔ́ tsɔ́ lyɛ̌’, ńnyé ńgwɔ́ pɔ́ tsɛ̀ɛ *jʉ’ʉ Ssé ńně ńzí’i pʉ̀a mmó ńdɔgɔ ńtsẅii Nkʉ̀ Mbòŋo mbwo lá’, *metándá pànùŋe pwɔ́’ pâ *pàkyàgte lepʉ̌ Mǒsê lâ melÿò tsɛ̀ɛ lá’ tó.