Lukase 7:6 - Nouveau Testament en Ngienboum

⁶ Yěsô jú’, ńdu ssé pâ pɔ́ gʉa, ńgʉa tà ńcʉ́’ʉ lékúu mbʉ̀a tá ndá ncù, ḿbumte petsɔ́ pʉ̀a pie tá ndá ncù tǔm. Pɔ́ gɔɔn né yé ngie: Andè, tá ndá ncù yě, tè gége mbùm jù ngie ɔ̀ ge gʉa ndá ye, ngie à tsẅilé nyìŋ gẅie à lɔɔn ńgwɔ́ ɔ̀ tɔ́g tà ńkúu ndá yé lɛ.

Lukase 7:6 Referans Kwoze

Ŋwà’ne Jâg 4:6

Tá, e Ssé kě ńne ńcÿó gʉm yégè, apòŋo ntʉ́m yé nzèm pege fáŋ ńcʉa kɔ̀ɔkɔ́ɔ. Ŋwà’ne Ssé zɔɔn ńgɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

Malékuse 5:24

Yěsô zẅíŋ, pɔ́ yé cʉ́me mánzsè ńně ńgee, alá’ pú ńgwɔ́ mánzsè tɛ’, ḿbú ne sẅɛ́ɛ Yěsô.

Lukase 8:49

ńně ńgɔɔn mbwo yé pú’u, nyìŋ fóo mbʉ̀a Yayelo ńgɔɔn né Yayelo ngie, tè gíŋ ńgege Ndè sẅɛ̀ɛ sẅɛ̀ɛ, míŋ ɔ̀ kwě.

Ŋwà’ne Jâg 4:10

Pi sẅí’i mbùm gí ńnáa ssé mvfò Cʉ̀apʉ̀a, à pʉ’ʉ gẅí.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 5:8

Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Lukase 7:4

Pɔ́ gʉa tà ńkúu lejʉ́ŋ Yěsô, ńcwoŋo sẅíŋte yé ńgɔɔn ngie: Tá ndá ncù gẅie à tumó wég, à ku’u nyìŋ gẅie à lɔɔn ńgwɔ́ ɔ̀ kẅéte yé.

Lukase 7:5

À kwoŋo lá’a yégè kwoŋ tà mbà à la kwɛ́ *ndá cú’tè né peg.

Lukase 7:7

Áa mmó gie á ně ńgÿo tá kwà’ yé tè tsɔ́’ mekwò mé ńtó ńgyá gú wɔ́. Ngie tsétsɔ́’, leen ńtyé pɛ́’ɛ, ńtsẅi lê ncwò ménkʉ we zeŋe,