Lukase 7:42 - Nouveau Testament en Ngienboum

⁴² À la kʉ́a, ńgyá pɔ́ té ku’u létoŋ wɔ́, á gɔɔn ngie à te lá’ gíŋe kʉ́a nkáb ŋwɛ wɔ́, ḿbú nyé mbwo pɔ́b. Ɔ̀ gyǎ jú ngie wɛ̌ nyìŋ ná pɔ́b mépʉ́a à ge kwoŋo ngàŋ nkáb ŋwɛ́ tɛ’?

Lukase 7:42 Referans Kwoze

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Roma 5:6

Á gwɔ́ pá’ á kaa fʉ̀’ gie pege ka zɔɔn ńnyé pɔ́ pàtè metʉ̀, Kristo tóo nà fʉ̀’ gie e Ssé lá záb, ńkwé nà twó pʉ̀a tepòŋ.

Roma 3:24

Tá’, pá’ Yěsô Kristo kéen ńtó, ńkyɛ́’ ńkÿo nò tepòŋ ná pʉ̀a la, e Ssé cʉ́’ fó mǒ ńdíe pʉ̀a pɔ́ gwɔ́ pʉ̀a pie ée ndʉŋ ndʉŋ mvfò yé, á gwɔ́ mmó gie à lɔgɔ ńcÿó gem yɔ́b pɔ́ sẅɛɛ sẅɛɛ.

Matio 18:34

Yɔɔn nò pú ńgyáŋa fùɔ, á túm mé gʉa ńnéŋe yé tsǎŋ, lényɛɛ yé ngɔ́’ tà ńkú fʉ̀’ gie à pǔ ńtoŋ ye njǔ.

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Matio 18:27

Mezìŋe mé kúu fùɔ, á nyé nkab ye mbwo, ńnyé ye á gʉa.

Lukase 7:43

Símo tsɔ́’ ngie: N kwǎŋ ngie à ge gwɔ́ nyìŋ gẅie ye njǔ la gyɔ́ɔn. Yěsô gɔɔn ngie: Ɔ̀ shwóŋó nò.