Lukase 7:16 - Nouveau Testament en Ngienboum

¹⁶ Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Lukase 7:16 Referans Kwoze

Lukase 7:39

Nyìŋ *farisay gẅie à ně ńtóŋo Yěsô gyá pú’u, ńkwáŋte ntʉ́m yé ngie, nyìŋ wɔɔn gwe’e ńgwɔ́ kwà’ *ntsẅì nkʉ̀ Ssé, mbà à zsě lii manzwě gẅie à zába pwó ná ye lɛ, mbà à zsě ngie aa manzwě tepòŋ.

Matio 9:8

Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Lukase 1:68

Pege zɔb ntse ńgú’te Cʉ̀apʉ̀a Ssé pà Israel, à tǒ ńkẅéte pʉ̀a pé, ńcu’u wɔ́b ndá nkwɔ̀ɔn.

Lukase 5:26

Pʉ̀a metsèm la gyá á kʉ’ʉ wɔ́b, pɔ́ né ḿbɔ́gɔ, ńgíŋe ně ńgɔɔn ngie agù’te áa mbwo Ssé, peg gyǎ ndàa gyá lyɛ̌’ɔɔn.

Lukase 2:20

Pàpyɛ́b mvfó gwaa piŋ nzèm, ńgiŋe ńzɔbɔ ńdɔgɔ ńgu’te Ssé, ésíe yé ńtí menò mie pɔ́ ně ńjú’, pɔ́ pǐŋ ńgyá kɔ̀ɔkɔ́ɔ gwɔ́ pɔ́ pá’ *cÿɔ́’ Ssé ně shwóŋó wɔ́b.

Lukase 1:65

Megàŋ nkwɔ́’ɔ mbʉ́a la jú’ ngie Sakarîɛ giŋé ńgɔɔn nò ḿbú ḿmɔɔn tɛ’. Yɔɔn nò lêen ńké saa lá’, tà mé cʉ́’ ńgwɔ́ nzɔ̌ nzɔ̌ shÿó mekwɛ́ pà Jẅidea e shwóŋó pɔ́ yɛ̌.

Matio 21:11

Àlá’ tsɔ́’ ngie: Aa Yěsô á *ntsẅì nkʉ̀ Ssé, à fóo tÿǒsoŋo Nǎzarɛd nà pàga ngwòŋ Galilea.

Matio 15:31

Pàtámbǎ’ gɔɔn nò, mekÿǒon zeŋe, pàpwɔ́’te mekwò giŋ mboŋó, pàfʉ̀ menÿɔ́g gyá jʉ’ mboŋó. Àlá’ gyá ḿmɔɔn tɛ’, ńgu’te Ssé pà Israel.

Galatia 1:24

Á cʉa pú’u, pɔ́ ne ńgu’te Ssé ńtí wɔ̀ɔn.

Megàŋ ntúm 5:5

Ananias jú’u yɔɔn shwóŋè, ńgwóon ńgwe ńkwé. Pʉ̀a metsèm pie é la jú’u yɔɔn nò pú ḿbɔ́g.

Ŋwà’ne Jâŋ 9:17

Pɔ́ gíŋe ńzɛ́te nyìŋ áwɛ̌ ngie: Ɔ̀ gɔ̌ɔn jú ngie kɔ́ ná nyìŋ gẅie à ně ńnyɛ́’ menÿɔ́g mú? Á gɔɔn ngie, aa *ntsẅì nkʉ̀ Ssé.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

Ŋwà’ne Jâŋ 4:19

Manzwě ŋwɛ́ leen ńké ńgɔɔn né yé ngie: Andè, mèŋ n gyá ngie ɔɔ *ntsẅì nkʉ̀ Ssé.

Ŋwà’ne Jâŋ 1:25

Pɔ́ gíŋe ńzɛ́te Jâŋ ngie, tà ɔ̀ tè *Nzà’nkÿo wɔ́, ńké tè *Elîɛ́ wɔ́, ńké tè *ntsẅì nkʉ̀ Ssé gẅie mé ne ńzẅí’te wɔ́, tà mélà’a kɔ́ ɔ̀ nu’u pʉ̀a ntse?

Ŋwà’ne Jâŋ 1:21

Pɔ́ zɛ́te yé ngie tà ɔ̀ gwɔ́ pɔ́ wɔ̌? Ɔ̀ gwɔ́ pɔ́ *Elîɛ keen? Jâŋ gɔɔn ngie ngǎŋ. Pɔ́ gɔɔn ngie, ɔ̀ gwɔ́ pɔ́ *ntsẅì nkʉ̀ Ssé gẅie mé ne ńzẅí’te lá keen? Jâŋ gɔɔn ngie ngǎŋ.

Lukase 24:19

Á zɛ́te wɔ́b ngie akɔ́ kà gÿo? Pɔ́ gɔɔn ngie, peg kě ḿmɔɔn pɔ́ menò mie é kà gÿo Yěsô nyìŋ Nǎzarɛd. À kaa kwà’ *ntsẅì nkʉ̀ Ssé we lÿò, á nà mefà’ mé, mbɔɔ nà shwóŋè yé á mvfò Ssé mbɔɔ mvfò pʉ̀a mesoŋ.

Lukase 9:19

Pɔ́ pÿɛ ngie: Tsɔ́ pʉ̀a ne ngie ɔɔ Jâŋ Mbabtis, petsɔ́ ne ngie ɔɔ *Elîɛ, petsɔ́ ne ńgɔɔn ngie ɔɔ tsɔ̌ tà’ ná *pàntsẅì nkʉ̀ Ssé pe fʉ̀’e mvfò, gẅie à zǐm.

Lukase 8:37

Epʉ̀a ná wɛ̌ shÿó metsèm zye lécÿɔ’, ḿbɔ́g pɔ́g tà sẅíŋte Yěsô ngie à fó nà wɔ́b shÿó ńgʉa. Yěsô lêen ńké ńkúu tsɛ̀ɛ kanú’ légʉa,

Lukase 5:8

Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Matio 28:8

Pànzwě gwóon fó ngʉ̀ŋe lesyè ńgʉa létsẅii yɔɔn nò mbwó *ngàŋa kwò Yěsô. Ecÿɔ’ nyé ńgwɔ́ pɔ́ ná pɔ́b, tá pɔ́ ne ńkága kǎg,

Megàŋ ntúm 7:37

Yé zɔ la gíŋe ńgɔɔn mbwó púɔ pà Israel ngie: «E Ssé ge lá’ gíŋe náa tsɔ̌ *ntsẅì nkʉ̀ Ssé né pi. À gwɔ́ pá’ mèŋ. À ge lá’ kẅɛ pɔ́ tsetsɛ̀ɛ pi.»

Lukase 19:44

Pɔ́ ge gÿo tó, é gwɔ’ɔ gẅi lâ gubé gí ntsèm, é gíŋe tágte tÿǒsoŋ gí tà pɔ́ le nyé tóon á gíŋe ńzɛ́be nà tsɔ̌ wɔ́. Á zɔɔn ńgwɔ́ pú’u, mélà’mie pi kaa zsé fʉ̀’ gie e Ssé too légÿo nò mbòŋo ná pi wɔ́.

Lukase 7:15

Á lêen ńgwóon ḿbʉ’ʉ nnɛ́ ńnéŋe ńnéŋe, ńzye léshwóŋe, Yěsô kíbe yé ńnáa mbwo má we.