Lukase 7:13 - Nouveau Testament en Ngienboum

¹³ Cʉ̀apʉ̀a Yěsô gyá mpfɔ̌g ŋwɛ́, mezìŋe mé kúu yé, á gɔɔn né yé ngie: Tè gíŋe ńdʉa,

Lukase 7:13 Referans Kwoze

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Lukase 8:52

Alá’ la gwaa gwɔ́, mbà á zyě lé lʉa legwé. Yěsô gɔɔn ngie, tà mé gíŋe ńdʉa, múɔ kaa kwé, à lye lyě.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Ŋwà’ne Jâŋ 20:15

Yěsô gɔɔn né yé ngie: Mɔ̌ɔn, ɔ̀ lʉa kɔ́? Ɔ̀ fa’a wɔ́? Tá á kwaŋ ngie kà à gwɔ́ pɔ́ nyìŋ gẅie à pyɛ́bɛ nká’a ngale wɔ́, ńgɔɔn né yé ngie: Andè, à lɔɔn ńgwɔ́ gie gù zɔ ně ńkaa pfó Yěsô, ɔ̀ la’te wɔ̀ɔn jʉ’ gie ɔ̀ ně ńnuŋe wó, n gʉa, ńkaa.

Malékuse 8:2

Mezìŋe lá’ɔɔn pǔ ńkúu wɔ̀ɔn tɛ’, mélà’mie ée fʉ̀’ɔɔn ńgwɔ́ lyɛ̌’ sétá pá’ pɔ́ ké ńgwɔ́ pɔ́ lejʉ́ŋ mèŋ, ńké tè nyé ńgẅiin tsɔ́ mmó gie à lɔɔn ńgwɔ́ pɔ́ pfɛ́ wɔ́,

Ŋwà’ne Jâŋ 11:2

Wɔɔn Malîɛ gwɔ́ gẅie a lǎ’ ńdɔgɔ laméndɔɔn, ńzɔ́’ɔ Ndè tà á kû’, á gíŋe ńdɔg menòŋo twó mé ńtsí’i mekwò mé la. Nǎzalo gwe gùɔ pá’ɔɔn,

Lukase 24:34

Ńkẅɛ́te wɔ́b pú’u, pɔ́ shwóŋó wɔ́b ngie: Áa nénʉ́ ngie Ndè zimé nà legwé, Símo ně ńgyá yé.

Lukase 17:5

Megàŋa kwò Yěsô gɔɔn né yé ngie: Cʉ̀apʉ̀a, kẅéte wég lékẅi’i ńzáb ntʉ́m nà Ssé.

1 Korento 7:30

Tà fó fʉ̀’ɔɔn pʉ̀a pie é ne ńdʉa, e ńnéŋe pá’ fʉ̀’ gie pɔ́ té ńne ḿmÿɔgɔ tsɔ́ nò wɔ́ la. Pʉ̀a pie é ne ńgẅe e ńnéŋe pá’ fʉ̀’ gie pɔ́ té ne ńkága wɔ́ la. Pʉ̀a pie pɔ́ ne ńjúu mmó ńnéŋe pá’ fʉ̀’ gie ammó gie pɔ́ júu á té yɔ́b wɔ́ la.

Ŋwà’ne Jâŋ 20:13

Pɔ́ gɔɔn né yé ngie: Mɔ̌ɔn ɔ̀ lʉa kɔ́? Á tsɔ́’ɔ mbwo pɔ́b ngie: Mé ně ńkaa pfó Cʉ̀apʉ̀a wɔ̀ɔn, m biŋ tè ne ńzsé jʉ’ gie mé ně ńzába wó wɔ́.

Lukase 13:15

Tá Yěsô tsɔ́’ɔ mbwo yé ngie: Pi ee ngàŋa cÿɔ̌ nò, awɔ̌ ná pi tè gʉa lyɛ’ɛ́ nzsè yégè, ńkyɛ́’ɛ foŋ we, ka pɔ́ nzikáase ye wɔ́, ńdɔg ńgʉa á nú ntse wɔ́?

Lukase 10:1

Yɔɔn nò tɔ́g, Yěsô tsɔ́’ tsɔ́ *ngàŋa kwò yé ntsɔ̀b pʉ́a lê móm sɔɔn mbʉ́a, ńtúmó wɔ́b mépʉ́a mepʉ́a ngie pɔ́ vɔg ńgwɔ́ mvfò ńgiŋe tsɛ̀ɛ metÿǒsoŋ pâ mejʉ’ mie à ge gÿo pú cʉa wó.

Lukase 7:19

ńtúmo wɔ́b ngie pɔ́ gʉa ńzɛ́te Yěsô ngie aa *Nzà’nkÿo gẅie mé ka ne ńzẅí’te kà mé gíŋe ńzẅí’te pɔ́ tsɔ̌ nyìŋ ndyɛ̀’ɛ wɔ́?

1 Tesalonika 4:13

Mefɛ́ mefɛ́, peg ne ńkwoŋo ngie pi zsé nò nénʉ́ gie á líe mepfó, légwɔ́ gie pi tè ńnéŋe nê lemÿɔg pá’ petsɔ́ pʉ̀a mesoŋ pie pɔ́ té ne ńzẅí’te tsɔ́ mmó mbwo Ssé wɔ́ wɔ́.

Lukase 22:61

Yěsô sele nnɛ́, ḿma’a léjÿɔ́g ńdíe yé, e nÿɔ́g mɔ́b yé pumte. Piɛ leen ńgwóon ńkímte nò gie Cʉ̀apʉ̀a ně ńgɔɔn né yé ngie: Mênkɔ́’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Lukase 7:12

Pɔ́ gʉa tà ńcʉ́’ʉ lékúu tÿǒsoŋ, ńgyá, mbà mé kǎ pfó tsɔ̌ mûɔ mbàŋa, ńdɔgɔ ńgee ńtúŋo. Mbà é kaa ndà’ múɔ mbwo má we, á gwɔ́ mpfɔ̌g. Alá’ pú ńgwɔ́ nzèm yé tà ńgyɔ́ɔn.

Lukase 7:14

ńgɔɔn pú’u, ésẅɛ’te nnɛ́, ńtó ńkíbe nkùm mpfó, pʉ̀a pie é la kaa tyé, Yěsô gɔɔn ngie: Mûɔ shùm, n tsẅǐ ngie ɔ̀ zyeen.

Lukase 11:1

Yěsô gwɔ́ tsɔ́ lyɛ̌’, ńgwɔ́ tsɔ́ jʉ’ ne sẅíŋte Ssé, ésẅíŋte Ssé tà ńtsẅé jʉ’, atsɔ̌ *ngàŋa kwò we tó ńgɔɔn né yé ngie: Tá weg, Jâŋ la zí’i *ngàŋa kwò yé lésẅíŋte Ssé, zí’i wég yég lésẅíŋte Ssé.

Lukase 11:39

Yěsô zsé, ńtsɔ́’ɔ mbwo yé ngie: Pi pà *farisay, pi nyé tsɛ̀ɛ ntú’, pɔ́ tsɛ̀ɛ káŋ, ésɔg gí pɔ́ mbùm. Á gíŋ ńgwɔ́ pɔ́ ndʉŋ ndʉŋ pá’ pi tè sɔg sóon gie ee ntʉ́m pi wɔ́, ḿbiŋ ńnéŋe ńkwaŋ pɔ́ légwoon shúm pʉ̀a ńkẅé ńjÿó.

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Lukase 17:6

Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.

Lukase 18:6

Yěsô fó mǒ ngie: Pi cwoŋo ńjú’ gí nò gie ntsɔ́’te ntsaŋ wɔɔn gɔ̌ɔn, tá ńgwɔ́ tè pɔ̌g Ssé.

Lukase 19:8

Pɔ́ ye gÿo ńgwɔ́ ndá, Sakîo tyé mvfò ye ńgɔɔn ngie: Cʉ̀apʉ̀a, mèŋ n ge gabte shúm sɔ́ɔn nzsè pʉ́a, é náa tà’ nzsè mbwo pàtèmmó, ńgwɔ́ gie n dǎ lɔgɔ gáte ńkẅé mmó nyìŋ, mbà mèŋ n ge tsɔ́’ náa mbwo ngàŋ ngʉ̀a lekùa.

Lukase 24:3

Pɔ́ zyɛ́’ ńkúu tsòló, ńké tè pfó Ndè Yěsô gyá.

Ŋwà’ne Jâŋ 4:1

Pa *farisay jú’ mé ne ńgɔɔn ngie nzẅìŋ pʉ̀a pie é ne ńcʉ́me nzèm Yěsô cʉa pe Jâŋ, á gíŋe ńne ńnu’u pʉ̀a ntse é gyɔ́ɔn ńcʉa pe Jâŋ.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Ŋwà’ne Jâŋ 11:3

pɔ́b panzwě ŋwɛ́ mépʉ́a túm ńtsẅii mbwo Yěsô ngie: Andè, ashǔ lepyè gù ne ńguɔ tɛ’.