Lukase 7:12 - Nouveau Testament en Ngienboum

¹² Pɔ́ gʉa tà ńcʉ́’ʉ lékúu tÿǒsoŋ, ńgyá, mbà mé kǎ pfó tsɔ̌ mûɔ mbàŋa, ńdɔgɔ ńgee ńtúŋo. Mbà é kaa ndà’ múɔ mbwo má we, á gwɔ́ mpfɔ̌g. Alá’ pú ńgwɔ́ nzèm yé tà ńgyɔ́ɔn.

Lukase 7:12 Referans Kwoze

Lukase 8:42

ńgie míŋ we cʉ’ʉ́ ńkwé kwě. Aa ndà’ míŋ we, ńgwɔ́ múɔ manzwě, tà ńgẅiin ngù’ ntsɔ̀b pʉ́a. Yěsô jú’ pú’u, ńdu Ssé pɔ́ yé gʉa, alá’ zse nzèm ye, ńtÿɔ́’ɔ yé ńnéŋe soŋ tà jʉ’ cʉ́’ʉ sẅíbe sẅibé.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

Megàŋ ntúm 9:41

Piɛ kíbe pwó yé, ńgÿo á lu ssé. Á leen ńké ńtóŋ pʉ̀a Kristo lâ mepfɔ̌g, ńnyɛɛ Tapita mbwo pɔ́b, á gwɔ́ ntentʉ́.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Ŋwà’ne Jâŋ 11:19

lelÿò pà Yuda gwaa gwɔ́, mbà pɔ́ tǒ mbʉ̀a Mágtà pɔ́ Malîɛ, létsí’i ntse nÿɔ́g mɔ́b, ńtí fɛ́ wɔb gẅie à ka kwě.

Lukase 8:52

Alá’ la gwaa gwɔ́, mbà á zyě lé lʉa legwé. Yěsô gɔɔn ngie, tà mé gíŋe ńdʉa, múɔ kaa kwé, à lye lyě.

Lukase 7:11

Yɔɔn nò tɔ́g, Yěsô cʉ́me mánzsé, ńne ńgee né tÿǒsoŋ gie mé tóŋo le Nayin, pâ *ngàŋa kwò yé lâ nùɔ lá’ pú ne ńgiŋe.

Lukase 7:13

Cʉ̀apʉ̀a Yěsô gyá mpfɔ̌g ŋwɛ́, mezìŋe mé kúu yé, á gɔɔn né yé ngie: Tè gíŋe ńdʉa,