Lukase 7:10 - Nouveau Testament en Ngienboum

¹⁰ Pʉ̀a pie tá ndá ncù pà *Roma tumó wɔ́b gÿo ḿbiŋ tà ńkúu ndá, ńgyá, mbà nguɔ zeŋé.

Lukase 7:10 Referans Kwoze

Matio 8:13

Yěsô piŋ ńgɔɔn mbwó tándá ncù ngie: Piŋ nê mbʉ̀a gù! Pá’ ɔ̀ zǎb ntʉ́m ná mèŋ lá, àmmó gie ɔ̀ tsɔ̌ɔn ge gwɔ́ pú’u, ńgɔɔn pú’u, mênkʉ́ tándá ncù leen ńzeŋe pɔ́ fʉ̀’ó, pɔ́ fʉ̀’ó.

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Lukase 7:9

Yěsô jú’u yɔɔn shwóŋè gie á kẅɛ̌ ncwò tá ndá ncù, ńgɔ’te yé, ésele nnɛ́ ńgɔɔn mbwo lá’ gie áa nzèm yé ngie: Mèŋ shwóŋó gẅí, mbɔɔ tsɛ̀ɛ ngwòŋ pà Israel, n kaa gyá tsɔ̌ nyìŋ gẅie à zǎb ntʉ́m ná mèŋ pá’ ye wɔ́.

Lukase 7:11

Yɔɔn nò tɔ́g, Yěsô cʉ́me mánzsé, ńne ńgee né tÿǒsoŋ gie mé tóŋo le Nayin, pâ *ngàŋa kwò yé lâ nùɔ lá’ pú ne ńgiŋe.