Lukase 6:6 - Nouveau Testament en Ngienboum

⁶ Á gíŋe ńgwɔ́ tsɔ́ lyɛ̌’ɛ nzsé pà Yuda, Yěsô kúu *ndá cú’tè pà Yuda, ńně ńda’te nò Ssé. Atsɔ̌ mámbàŋa gwɔ́ yé ndá ŋwɛ́, mbà pwó yé ye tʉ̀ léen ńkwé.

Lukase 6:6 Referans Kwoze

Ŋwà’ne Jâŋ 5:3

Megàŋ meguɔ ntí ntí nuŋte tsɛ̀ɛ mekɔ́’. Pàfʉ̀ menÿɔ́g, pà pwɔ́’te mekwò, mbaa megàŋ kwʉ́’te nuŋte wó, [ńne ńzẅí’te pá’ ntse gé cʉ’ʉ.

Lukase 4:31

Yěsô gÿo pú’u, ńcwóŋ ńgʉa né Kapernawúm, á gwɔ́ tsɔ́ tÿǒsoŋ nà pàga ngwòŋ Galilea. *Alyɛ’ɛ́ nzsé yɔ́b kú’, á ne ńzí’i pʉ̀a nò Ssé.

Lukase 4:16

Yěsô lá’ ńnéŋe tà ḿbiŋe Nǎzarɛd, á jʉ’ gie à la gú’u wó. Alyɛ̌’ɛ nzsé yɔ́b ku’. Á gʉa *ndá cú’tè pà Yuda pá’ aa ńzɔɔn ńgee. Afʉ̀’ ku’, á lu ssé létóŋo ŋwà’ne Ssé.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Lukase 14:3

Yěsô zɛ́te pà *farisay pâ pàkyàgte mbʉ̌ Ssé pie é laa ndá ngie: Áa nà *lepʉ̌ ségè pé’e, ńgwáa ngwe mé gÿo nyìŋ zeŋe lyɛ’ɛ́ nzsè yégè kà ngǎŋ?

Lukase 13:10

Á gwɔ́ tsɔ́ *lyɛ’ɛ́ nzsè pà Yuda, Yěsô gwɔ́ *ndá cú’tè pà Yuda ńne ńda’te nò Ssé mbwo lá’.

Lukase 6:1

Á laa tsɔ́ *lyɛ̌’ɛ nzsé pà Yuda, Yěsô pâ ngàŋa nkwò yé ne ńcʉa tsɛ̀ɛ nká’a ngesáŋ ntsíŋ, ngàŋa nkwò yé gíŋe sẅé ngesáŋ ŋwɛ́, éshʉ’ʉ mbwó pɔ́b ḿpfɛ́ɛ.

Lukase 6:5

Yěsô fó mǒ, ńdêen ńké ńgɔɔn né pɔ́b ngie: *Míŋ Nyìŋ zɔ zɔɔn ńgẅiin légɔɔn mmó gie à lɔɔn ńgwɔ́ mé gÿo nà lyɛ̌’ɛ nzsé pà Yuda.