Lukase 6:12 - Nouveau Testament en Ngienboum

¹² Yěsô gwɔ́ lyɛ̌’, ńgʉa ndùm lekwɔ’ɔ́ lésẅíŋte Ssé, tà ńdá’a wó lá’.

Lukase 6:12 Referans Kwoze

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.

Malékuse 6:46

Yěsô le’e lá’ tà pʉ̀a gwaa gʉa, á kwɔ́’ɔ ndùm tsɔ́ lekwɔ’ɔ́ lésẅíŋte Ssé.

Malékuse 1:35

Njÿó la gÿo ne ńdʉ́a, tà jʉ’ nyé síŋe sǐŋ, Yěsô lu ssé, éfó ndá ńkẅɛ, ńgʉa lê nkwòŋo tsẅɛ, ńzye lésẅíŋte Ssé.

Kolosia 4:2

Pi ké ne sẅíŋte Ssé sẅíŋte, tà pi lyé, pi gwɔ́ gÿo pú’u, ńne ńnáa ndǎg mbwo Ssé,

Matio 6:6

Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú.

Matio 5:1

Yěsô gyá pá’ menùɔ lá’ tǒ, ńkwɔ́’ɔ ndùm lekwɔ’ɔ́, ńnéŋe ssé, *ngàŋa kwò yé tó ńkẅɛ́te yé.

Malékuse 3:13

Yěsô gÿo ńkwɔ́’ɔ ndùm lekwɔ’ɔ́, ńtóŋ pʉ̀a pie à tsɔ’ɔ́ wɔ́b. Pɔ́ tó,

Lukase 5:16

Tá’, Yěsô ńnéŋe tà ńdu ssé ńgee jʉ’ gie nyìŋ tè wó wɔ́, ńgu’te Ssé.

Lukase 6:11

Pà *farisay pâ *pàkyàgte lepʉ̌ Mǒsê gyá, á pú ḿbÿɔ́gɔ wɔ́b tɛ’. Pɔ́ sele ńzɛ́te tsetsɛ̀ɛ pɔ́b ngie: Pege ge gÿo lêkɔ́ lé Yěsô awɛ̌.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Lukase 9:18

Yěsô gwɔ́ tsɔ́ lyɛ̌’, pâ *ngàŋa kwò yé fag nnɛ́, ńgʉa jʉ’ gie nyìŋ tè wó wɔ́, pá’ à ge sẅíŋte Ssé. Á zɛ́te wɔ́b ngie: Alá’ aa pá’ɔɔn ńně ńgɔɔn ngie mèŋ n gee wɔ̌?

Lukase 9:28

Yěsô gɔɔn yɔɔn nò, é gÿo ńgwɔ́ lyɛ̌’ lefɔ̌ɔn, á faga Piɛ, ńgÿo Jâŋ pɔ́ Jâg, pâ pɔ̌ kwɔ́’ɔ nà tsɔ́ lekwɔ’ɔ́ pá’ à ge tsyɛ’te Ssé,

Lukase 9:29

ńkúu wó, á ne ńtsyɛ’te Ssé, aliŋé shÿó wé pú ńkúbe, menzsǒ mé pú fɔ́g tà ńŋwʉŋe.

Ŋwà’ne Jâŋ 6:3

Yěsô kwɔ́’ɔ ndùm tsɔ́ lekwɔ’ɔ́, pâ *ngàŋa kwò yé ńnéŋe ssé.