Lukase 5:8 - Nouveau Testament en Ngienboum

⁸ Símo Piɛ gyá yɔɔn nò gyǎ, tà ńgʉa ńnuŋe mekwò Yěsô, ńgɔɔn né yé ngie: Cʉ̀apʉ̀a, tsétsɔ’, fó lejʉ́ŋ mèŋ ńgʉa, mèŋ n gee pá’ɔɔn ńgwɔ́ nyìŋ tepòŋ mvfò Ssé.

Lukase 5:8 Referans Kwoze

Ŋwà’ne Ngyà jʉ’ 1:17

N gyá yé pú’u, ésẅɛ́’ ńnuŋe mekwò yé, ńcʉ́’ ńnuŋe jʉ’ó, ńcʉ́’ ńgwɔ́ pɔ́ pá’ mpfó. Á lêen ńké ńzába pwó yé ye tʉ̀ ná mèŋ, ńgɔɔn ngie: Tè gíŋe ńcÿɔ’, mèŋ n gee Ndùŋ mvfò, ńgwɔ́ nzsònzèm

Matio 17:6

*Ngàŋa kwò Yěsô gwóon ńjú’u yɔɔn nò, ńgwe ssé, ésɔb shÿó wɔ́b ssé, ḿbú ne ḿbɔ́gɔ tɛ’.

Ŋwà’ne Jâŋ 11:32

Malîɛ gʉa tà ńkúu jʉ’ gie Yěsô laa wó, ńgwɔ́ tà ńgyá yé, ńkẅí’te mvfò ye, ńgɔɔn ngie: Andè, ɔ̀ kaa pé’e ńgwɔ́ jʉ’ɔɔn, mbà fɛ́ wɔ̀ɔn ka tè kwé.

Matio 8:8

Tá tándá ncù tsɔ́’ ngie: Cʉ̀apʉ̀a, mèŋ n tsẅíle nyìŋ gẅie à lɔɔn ńgwɔ́ ɔ̀ tɔ́g tà ńkúu ndá mèŋ. Tyé pɔ́ pɛ́’ɛ ńtsẅi lê ncwò gú mênkʉ́ wɔ̀ɔn zeŋe.

Matio 2:11

ńzyɛ́’ ńkúu tsɛ̀ɛ ndá, ńgyá múɔ pɔ́ má we Malîɛ, ńkẅí’te ssé, ńná mekù’ múɔ ḿbiŋ ńta’ pɔ̀ɔn sɔ́b, ńnéŋe shʉ̀ŋe múɔ nê ngɔ̂l pɔ́ làméndɔ́ɔn ntí pʉ̀a.

1 Korento 13:12

Áa fʉ̀’ɔɔn pege ne ńgyá shúm é tele tele pɔ́ pá’ fʉ̀’ gie pege gyá tsɛ̀ɛ nzẅìŋe gya shÿó la. Á ge lá’a tsɔ́ fʉ̀’ pege kwà’ ńgyá, e gwɔ́ fʉ̀’ó ńgwɔ́ mvfò pege, áa nà fʉ̀’ɔɔn n tè zsé shúm ntsèm wɔ́, tá’ n ge lá’a tsɔ́ fʉ̀’ é zsé shúm nà nti gie e Ssé ne ńzsé wɔ̀ɔn fʉ̀’ɔɔn pú’u.

Lukase 5:7

Pɔ́ gyá kékáŋ, ḿma’te pwó ńdɔg ńtóŋ yetsɔ́ ngàŋa nkwò yɔ́b gie é laa tsɛ̀ɛ yetsɔ́ kanú’, ngie pɔ́ tó ńnéŋ mbwo, pɔ́ tó, pâ pɔ̌ pú ńnéŋ messó tsɛ̀ɛ mekanú’ mémbʉ́a, mekanú’ ŋwɛ́ lúe tà ńcʉ́’ʉ ḿme’e pɔ́ ntse.

Lukase 5:9

À la gwaa gɔɔn pú’u, mbà cÿɔ’ pǔ ńgwoon wɔ́ba pʉ̀a pé, ńtí nzẅìŋ messó mie pɔ́ gwǒon.