Lukase 5:11 - Nouveau Testament en Ngienboum

¹¹ Pɔ́ jú’ pú’u, ńdɔg mekanú’ ḿbiŋ lé ngʉ̀ŋe ntse, ńkúu wó, ḿbú ńnyé kɔ̀ɔkɔ́ɔ wɔ́, ńcʉ́me nzèm Yěsô.

Lukase 5:11 Referans Kwoze

Matio 4:20

Pɔ́ gwóon ńnyé menkÿò ńcʉ́me nzèm yé.

Lukase 5:28

Lěvi nyé shúm ntsèm, ńdu ssé, ńcʉ́me nzèm yé, pɔ́ yé gʉa.

Matio 19:27

Piɛ gɔɔn mbwó Yěsô ngie: Tà peg leen nyé shúm ntsèm, ńcʉ́me nzèm gù pá’ɔɔn, tà yég nò ge lá’ gwɔ́ lêkɔ?

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.

Matio 4:22

Pɔ́ gwóon ńnyé kanú’ mbɔɔ tá wɔb ńcʉ́me nzèm yé.

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.