Lukase 5:10 - Nouveau Testament en Ngienboum

¹⁰ Tà mbɔɔ Jâŋ pɔ́ Jâg, é gubé Zebede, gie é laa ngàŋa yetsɔ́ kanú’ la gíŋe ḿbú ḿbɔ́g yɔ́b tɛ’. Tá Yěsô gɔɔn né Símo ngie: Tè pɔ́g pɔ̌g, tà fó lyɛ̌’ɔɔn, ɔ̀ ge nyé légwoon messó é cʉ́’ʉ cú’te pɔ́ pʉ̀a mesoŋ.

Lukase 5:10 Referans Kwoze

Matio 13:47

Yěsô gíŋe ngie: Àno *lefùɔ Ssé gíŋe ńgwɔ́ pɔ́ pà’ nò lekÿo sie mé ma’a tsɛ̀ɛ letʉŋ, messó kúu tsɛ̀ɛ wó ntí ntí.

Matio 4:19

Yěsô gɔɔn né pɔ́b ngie: Pi tó, ńcʉ́me nzèm mèŋ, n dɔgɔ gẅi ńgÿo pàfà’ pʉ̀a mesoŋ.

Malékuse 1:17

Yěsô gɔɔn né pɔ́b ngie: Pi tó pege zɔ cʉ́’ʉ ńgiŋe, mèŋ n gÿo pi cʉ́’ʉ fa’a pɔ́ pʉ̀a mesoŋ.

Lukase 5:7

Pɔ́ gyá kékáŋ, ḿma’te pwó ńdɔg ńtóŋ yetsɔ́ ngàŋa nkwò yɔ́b gie é laa tsɛ̀ɛ yetsɔ́ kanú’, ngie pɔ́ tó ńnéŋ mbwo, pɔ́ tó, pâ pɔ̌ pú ńnéŋ messó tsɛ̀ɛ mekanú’ mémbʉ́a, mekanú’ ŋwɛ́ lúe tà ńcʉ́’ʉ ḿme’e pɔ́ ntse.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Lukase 6:14

Wɔɔn laa Símo gẅie Yěsô la tsẅi tsɔ́ lezíŋ sé le Piɛ, ńgÿo Ndeléya, á fɛ́ Símo ŋwɛ́, ńgÿo Jâg, ńgÿo Jâŋ, ńgÿo Filib, ńgÿo Patelemî

Matio 20:20

Má pà Jâg pɔ́ Jâŋ, é gubé Zebede, leen ńké ńdɔgɔ wɔ́b ńtóo mvfò Yěsô, ńkẅí’te ssé lélúɔ tsɔ́ mmó mbwó yé.

Matio 14:27

Tá Yěsô gwóon ńgɔɔn né pɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Matio 4:21

Mé ná’a ńzye ńgiŋ, Yěsô gyá Jâg pɔ́ Jâŋ, é gwɔ́ gubé Zebede, pâ tá wɔb pú ńgwɔ́ tsɛ̀ɛ kanú’ ńne ńnyɛte menkÿò mɔ́b, á tóŋo wɔ́b.

Lukase 5:9

À la gwaa gɔɔn pú’u, mbà cÿɔ’ pǔ ńgwoon wɔ́ba pʉ̀a pé, ńtí nzẅìŋ messó mie pɔ́ gwǒon.

Ŋwà’ne Jâŋ 21:2

Etsɔ́ *ngàŋa kwò Yěsô la pú ńcú’te tà’a jʉ’. Wɔɔn laa Símo Piɛ, né Tomáse mélefág, ńgÿo Natanaye mûɔ Kána tsɛ̀ɛ pàga ngwòŋ Galilea, nê pènkʉ́ Zebede, mbɔɔ yetsɔ́ *ngàŋa kwò Yěsô yépʉ́a.

2 Timote 2:26

ńgíŋe ńkwaŋa nò pá’ á kě ńne ńzɛ́te ngie pɔ́ kwaŋ, ńdeen ńké fóo tsɛ̀ɛ mejÿɔ́’ mie Sátà la lɔg ńgwoon wɔ́b ńkẅɛ. Mbà pɔ́ kaa tsoló ńcʉ́’ ńgwɔ́ pɔ́ megàŋa tsǎŋ, ńgÿo pɔ́ mmó gie Sátà ne ńkwoŋo.