Lukase 4:6 - Nouveau Testament en Ngienboum

⁶ ńgɔɔn né yé ngie: Mé léen ḿbú ńná mengwòŋ mɛ̂ lé mèŋ, mèŋ m biŋ ńku’u lé pú ńná né wɔ̌wɔ́ɔ gẅie n kwǒŋ. Mèŋ n ge zɔɔn ná lefùɔ né gù, gù zɔ cʉ́’ʉ ńdɔgɔ ńgẅiin shúm mbòŋo sie ée tsòló ntsèm.

Lukase 4:6 Referans Kwoze

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.

Ŋwà’ne Ngyà jʉ’ 13:2

Nɔ̀ɔn gẅie n da gyá à la gwɔ́ pɔ́ pá’ ŋɔ́ɔn ŋʉ́, mekwò mé gwɔ́ pá’ me tsɔ́ máamáa tsò, ncwò wé gwɔ́ pá’ we pú’ ntʉ̀. Máamáa nnù ngém wa ná metʉ̀ mé mbwo yé, ńnáa lʉŋe lefùɔ yé né yé, ńnyé lésá’ pʉ̀a mbwo yé.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

1 Piɛ 1:24

Mé la ŋwe’e tsɛ̀ɛ ŋwà’ne Ssé ngie: Nyìŋ mesoŋ ntsèm gwɔ́ pɔ́ pá’ legǐ We legú’ ntsèm gwɔ́ pɔ́ pá’ tootǒ legǐ gẅie aa nká’. Legǐ jǔm, à tootǒ tsɔ́’ɔ ńgwe ssé.

2 Korento 11:14

Á té pú’u, ńgwɔ́ pɔ́ tsɔ́ nò mmɔɔn mmɔɔn wɔ́, á nue Sátà giŋé ńnéŋe yé tà sele ńcʉ́’ ńgwɔ́ pɔ́ pá’ *cÿɔ́’ Ssé gẅie à fóo jʉ’ gie kyɛ̀’ áa wó la.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Lukase 4:7

Mèŋ n gɔɔn pɔ́ ndà’ ngie ɔ̀ kẅí’te mvfò mèŋ, ńgu’te wɔ̀ɔn, e lêen ńcʉ́’ shú.