Lukase 4:43 - Nouveau Testament en Ngienboum

⁴³ Tá Yěsô gɔɔn né pɔ́b ngie: N gẅiin légíŋe ńgʉa nà metsɔ́ metÿǒsoŋ, ńtsẅi Nkʉ̀ Mbòŋo gẅie Ssé ka túmo wɔ̀ɔn ntẅǐ, légÿo pʉ̀a mesoŋ zsé ngie yɔɔn aa fʉ̀’ gie Ssé zyě lényɛ lefùɔ sé,

Lukase 4:43 Referans Kwoze

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Ŋwà’ne Jâŋ 9:4

Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Malékuse 1:35

Njÿó la gÿo ne ńdʉ́a, tà jʉ’ nyé síŋe sǐŋ, Yěsô lu ssé, éfó ndá ńkẅɛ, ńgʉa lê nkwòŋo tsẅɛ, ńzye lésẅíŋte Ssé.