Lukase 4:41 - Nouveau Testament en Ngienboum

⁴¹ *Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 4:41 Referans Kwoze

Malékuse 1:34

Yěsô gÿo meguɔ ntí ntí ná pʉ̀a tà ńgyɔ́ɔn mag, ńgíŋe ńjwoŋ *messé tepòŋ, éfóo ná pʉ̀a ńkẅɛɛ. À lɔ̌ɔn tě ńzẅíŋe tà tsɔ̌ *Ssé tepòŋ ŋwɛ́ gɔɔn nò wɔ́, mélà’mie pɔ́ la ne ńzsé nyìŋ gẅie aa wɛ̌.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Malékuse 3:11

Epʉ̀a pie *messé tepòŋ la ne ḿbue wɔ́b lɔ́ɔn ńgwɔ́ tà ńgyá Yěsô, ńnuŋe mekwò yé, ńdɔgɔ ngyè tetʉʉ ńgɔɔn ngie: «Ɔɔ Míŋ Ssé».

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Malékuse 1:25

Yěsô cÿɔ́g yɛ̌ *Ssé tepòŋ ńgɔɔn né yé ngie: Láŋte, éfó ná nyìŋ wɛ̂ ńkẅɛ!

Matio 8:4

Yěsô gɔɔn né yé ngie: Pɔ́ɔn lé ké ńkím tà nyìŋ jú’, tá’ ké ńgʉa ńnyɛ mbùm ɔ̀, á mbwó nùŋe pwɔ́’, ḿbiŋ ńnáa mmó gie *lepʉ̌ Mǒsê ne ńzɛ́te mbwó nyìŋ gẅie nkà’ é magá ná yé, epʉ̀a metsèm lêen ńké ńzsé ngie ɔ̀ zeŋě.

Matio 8:16

Ncwò nzém gÿo ńgwɔ́, mé lɔg pʉ̀a tà ńgyɔ́ɔn pie *messé tepòŋ ne ńgege wɔ́b ńtóo mvfò Yěsô, á gɔɔn nò tà’ legʉa *messé tepòŋ fó ná pʉ̀a ńkẅɛ, megàŋa gûɔ pú ńzeŋe.

Malékuse 1:32

Ncwò nzém gÿo ńgwɔ́, tà mbà nèm pyě, pʉ̀a jʉ’ó kaa megàŋa guɔ ntsèm, mbɔɔ pʉ̀a pie tsɔ́ *messé tepòŋ la ne ḿbue wɔ́b, ńdɔg ńtó ńgyá Yěsô.

Lukase 4:39

Á tó ńŋwé’e ngʉ̀ŋe kǔ, ńdɔg tʉ̀ ńgɔɔn nò, ennɛ́ jú’ ńzá’a. Mákẅi’ Símo ŋwɛ́ gwoon ńdu ssé, ńnyɛte shúm ńdɔg ńdye wɔ́b.