Lukase 4:25 - Nouveau Testament en Ngienboum

²⁵ Tà mèŋ shwóŋó gẅí, kwà’ nénʉ́, á laa fʉ̀’ ye *Elîɛ, *ntsẅì nkʉ̀ Ssé, mepfɔ̌g pànzwě gwɔ́ tsɛ̀ɛ ngwòŋ pà Israel tɛ’. Mbʉ̀ŋ lá’ ńnéŋe ngù’ tá nê mesaŋ ntɔgɔ́ té lú, tà máamáa gwáŋa gwe tsɛ̀ɛ lá’a pà Israel ntsèm.

Lukase 4:25 Referans Kwoze

Ŋwà’ne Jâg 5:17

*Elîɛ la gwɔ́ pɔ́ nyìŋ mesoŋ pá’ pege, à la sẅíŋte Ssé lê ntʉ́m wé ntsèm ngie tà mbʉ̀ŋ lú, e Ssé gÿo mbʉ̀ŋ tè lú tà é gwɔ́ ngù’ tá nê mesaŋ ntɔgɔ́.

Matio 20:15

Mèŋ n gẅiin lélɔg nkáb yɔ̀ɔn ńgÿo mmó gie mèŋ n kwǒŋ, á té pú’u, wɔ́ ka? Ka ɔ̀ gyáŋa lóŋ ńtí pɔ́ nò gie ɔ̀ gyǎ n gwɔ́ ngàŋa pòŋo ntʉ́m?

Lukase 10:21

Yěsô ne ńgɔɔn yɔɔn nò, à Zẅìge Ndʉalʉ̌a gÿo letʉ́m sé pú ńkág tɛ’, á lêen ńké ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’. Mèŋ sǐe gú pá’ ɔ̀ kéen ńnyɛ mɔɔn menò mbwo mecʉ̀cʉ̀ŋ, ńdÿoon mbwo megye pâ pʉ̀a pie é la zí’i. Oon mè Tá wɔ̀ɔn, ɔ̀ la gyá ngie ɔ̀ ge gÿo yɔɔn nò pɔ́ pú’u.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Roma 9:20

Gù nyìŋ mesoŋ, ɔ̀ lɔɔn ńzɛ́te pú’u, mbà ɔ́ɔ wɔ̌ tà Ssé gɔɔn nò ɔ̀ pʉŋe? Ngwɔ́ sɔ́’ zɛ́te mbwòon tsǎ’a ngie, ɔ̀ la pwóon wɔ̀ɔn ná yɔɔn ntí pá’ɔɔn mélà’a kɔ́ wɔ́?

Roma 9:15

Á nue à la gɔɔn mbwo Mǒsê ngie: «Yé Ssé ge gÿo tsɔ́ɔn mezìŋe nyìŋ gẅie yé gyǎ ngie à ge tsɔ́ɔn, é gÿo nò mbòŋo ná nyìŋ gẅie yé gyǎ ngie à ge gÿo ná yé»

Ŋwà’ne Ngyà jʉ’ 11:6

Pɔ́ gẅiin metʉ̀ lélɔg ńkíle mbʉ̀ŋ lefaŋ, á nà ntí gie mbʉ̀ŋ tě ge lúu nà melyɛ̌’ mie pɔ́ ne ńtsẅii nkʉ̀ Ssé wɔ́. Pɔ́ gíŋ ńgẅiin metʉ̀ lélɔg sele ntse é cʉ́’ metse, ńgíŋe ńku’ pá’ pɔ́ lɔɔn ńkwoŋ fʉ̀’ʉ kɔ́ wɔ́, pɔ́ gÿo ngɔ́’ ntí ntí tóo ndùmo ssé tsetsá’.