Lukase 4:23 - Nouveau Testament en Ngienboum

²³ Yěsô tsɔ́’ɔ mbwo pɔ́b ngie: Pi ge gÿo pɛ́’ɛ tà sag né mèŋ ngie: Angÿò meffo zoŋo twó mbùm yé, ńgie mmó gie mèŋ n ka gÿo Kapernawúm, n gíŋe ńgÿo jʉ̀’ɔɔn á lá’ peg, tá pi zẅíŋe wɔ̀ɔn.

Lukase 4:23 Referans Kwoze

Malékuse 6:1

Yěsô la fóo jʉ’ó, ńgʉa né lá’ pɔ́b, pâ *ngàŋa kwò yé gwɔ́.

Matio 4:13

ńkúu Nǎzarɛd ńcʉa cʉa ńgʉa ńnéŋe Kapernawúm. Á gwɔ́ tÿǒsoŋ ńgwɔ́ ngʉ̀ŋe letʉŋ Galilea, á lá’ gie Zabuloŋ pɔ́ Neftali tÿɔ́’te yé ńnéŋe soŋ.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

Ŋwà’ne Jâŋ 4:28

Manzwě ŋwɛ́ nyé tÿóon ntse yé jʉ’ó, ḿbiŋe tÿǒsoŋ, ńgɔɔn né lá’ ngie:

Lukase 6:42

Ngwɔ́ ɔ̀ gǎ tá ńgɔɔn né fɛ́ gù ngie: Afɛ̌, cʉ́’ n kẅile fùbe pǐŋ yɛ gie ee lejÿɔ́g gù lɛ, ńgwaa gɔɔn éfó le ne ńgyá kúmo gẅie à nuŋe nà shú wɔ́ wɔ́? Ɔ̀ɔ ngàŋ melɔ̀ɔn, vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ tsɛ̀ɛ lejÿɔ́g fɛ́ gù.

Lukase 4:16

Yěsô lá’ ńnéŋe tà ḿbiŋe Nǎzarɛd, á jʉ’ gie à la gú’u wó. Alyɛ̌’ɛ nzsé yɔ́b ku’. Á gʉa *ndá cú’tè pà Yuda pá’ aa ńzɔɔn ńgee. Afʉ̀’ ku’, á lu ssé létóŋo ŋwà’ne Ssé.

Matio 13:54

né lá’ pɔb, ńkúu wó, ńně ńzí’i pʉ̀a nò Ssé tsɛ̀ɛ *ndá cú’tè pà Yuda. Pʉ̀a pie ée wó jú’u shwóŋò yé, ḿmɔɔn ńgɔɔn ngie: À lɔgɔ sɛ̂ legye lê metʉ̀ lɔg ńgÿo menò mmɔɔn mmɔɔn fóo nzɔ̌?

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Lukase 2:39

Yesyɛ̂b pɔ́ Malîɛ gÿo shwóŋó nò gie pɔ́ tǒ mǒ tà ḿmag pá’ *lepʉ̌ Cʉ̀apʉ̀a la ne ńzɛ́te, ḿbiŋ zèm le Galilea, á tÿǒsoŋo pɔ́b Nǎzarɛd.

Lukase 2:51

À la gɔɔn pú’u, pâ pɔ̌ piŋ nzèm né Nǎzarɛd, á ně ńjú’u ncwò wɔ́b. Má we ké ńde’e mɔɔn menò ntsèm pɔ́ tsɛ̀ɛ ntʉ́m yé.

Lukase 4:31

Yěsô gÿo pú’u, ńcwóŋ ńgʉa né Kapernawúm, á gwɔ́ tsɔ́ tÿǒsoŋ nà pàga ngwòŋ Galilea. *Alyɛ’ɛ́ nzsé yɔ́b kú’, á ne ńzí’i pʉ̀a nò Ssé.

Lukase 4:35

Yěsô cÿɔ́g yɛ̌ *ssé tepòŋ, ńgɔɔn né yé ngie: Láŋte, éfó ná nyìŋ wɛ ńkẅɛ. E *ssé tepòŋ yá sáa nyìŋ wá, ḿma’a ssé á tsetsɛ̀ɛ pʉ̀a, ńdêen ńké fó ná yé ńkẅɛ té gÿo mmó ná yé.