Lukase 4:18 - Nouveau Testament en Ngienboum

¹⁸ À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Lukase 4:18 Referans Kwoze

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 7:22

Á tsɔ́’ɔ mbwo pɔ́b ngie: Pi gʉa ḿbíte shwóŋó Jâŋ á mmó gie pi gyǎ, mbɔɔ gie pí jǔ’ mé gɔɔn, éshwóŋó yé ngie mefʉ̀ menÿɔ́g ne ńgyá jʉ’ mboŋó, pàpwɔ́’te mekwò ne ńgiŋe mboŋó, megàŋ nkà’ ne ńzeŋe, pàmbǔ’ metuŋó ne ńjú’u jʉ’, mepfó ne ńzyeen, mefÿɔg ne ńjú’u Nkʉ̀ Mbòŋo.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

Matio 4:16

Pi pie pi ka neŋé tsɛ̀ɛ nzěm, gi njÿó kwǎ’ ńdʉ́a. Nèm sǎ’ tà ne ńtʉ́a ná pʉ̀a pie e ka neŋé tsɛ̀ɛ ngwòŋ gẅie ssé nzěm we legwé à kaa wó».

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Lukase 6:20

Yěsô ńnéŋe tà ḿbʉ’ʉ twó yé, ńdíe *ngàŋa nkwò ye, ńgɔɔn ne pɔ́b ngie: Pi ee pàshÿó mbòŋo, pi pie pi ee mepóŋ, mélà’mie *lefùɔ Ssé gwɔ́ pɔ́ sí.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Ŋwà’ne Jâŋ 1:41

Ndeléya ŋwɛ́ gʉa ńnyé té shwóŋó tsɔ̌ nyìŋ, ḿvɔg ńgyá fɛ́ we Símo, ńgɔɔn né yé ngie: Peg gyǎ *Nzà’nkÿo, á lɔgɔ ńgíŋe ńgɔɔn ngie Kristo.

Matio 12:20

À tě ńdá’a ḿbwɔ́’ɔ kekà’a gie á tʉ́ŋe wɔ́, é ké le pyág mmɔ̌g nà lâm gẅie à gee ḿbyě wɔ́, é ké lá’ gÿo pɔ́ pú’u, tà ntí lesá’a lá’ gie ee ndʉŋ ndʉŋ e jÿó mânyìŋ ntsèm.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

Matio 12:18

À la gɔɔn ngie: «Wɔ̀ɔn aa ngàŋa fà’ wɔ̀ɔn mie n deen ńtsɔ́’. N kwoŋo yé tɛ’, yé zɔ gÿo ntʉ́m wɔ̀ɔn kág. Mèŋ n ge gÿo ńnéŋe Zẅìge yɔ́ɔn ná yé, à gÿo ńnyɛ ntí lesá’a lá’ gie ee ndʉŋ ndʉŋ mbwó melá’ mie e té pà Israel wɔ́.

Lukase 4:17

Mé píi ŋwà’ne Esǎya *ntsẅì nkʉ̀ Ssé, ńná né yé. Á nyɛ́’ɛ nà jʉ’ gie mé la ŋwe’e wó ngie:

Megàŋ ntúm 4:26

Mefùɔ ndùmo ssé tsetsá’ ne ńtáŋte ncù, pàsá’a lá’ gíŋe ne ńcú’te yɔ́b ńtáŋa ngie pɔ́ ge lÿɔ́’ɔ Cʉ̀apʉ̀a Ssé le ncù, mbɔɔ nyìŋ gẅie à la zɔ́’ɔ yé ńdɔg ńgÿo fùɔ