Lukase 4:1 - Nouveau Testament en Ngienboum

¹ Jâŋ la gwɔ́ tà ńnu’u Yěsô ntse, á fó nkʉ̀ŋ ntse Jurdeŋ ńgʉa. A Zẅìge Ndʉalʉ̌a pú ńjÿó yé, ńgÿo á gʉa lê nkwòŋo tsẅɛ,

Lukase 4:1 Referans Kwoze

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Ŋwà’ne Jâŋ 1:32

Jâŋ gíŋe ńgɔɔn tsɔ́ nò gie à zsé ná Yěsô, ńgie: Mèŋ n da gyá zẅìge Ssé sẅɛ́’ ńnéŋe ná yé, ńgwɔ́ pá’ Kàpʉ̀ŋ.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.

Lukase 4:14

Yěsô lêen ńké ńgwaa gíŋe piŋ né Galilea, à Zẅìge Ssé ně ńnáa yé métʉ̀, á lɔgɔ nyɛɛ mefà’ Ssé. Lezíŋ sé pú saa yɛ̌ pàga ngwòŋ ŋwɛ́,

Megàŋ ntúm 8:39

Pɔ́ la gwɔ́ tà fó ntse ńkẅɛ, a Zẅìge Cʉ̀apʉ̀a lɔgɔ Filib ńgʉa tà nyìŋ Etiopia tè gíŋe ńgyá yé wɔ́, ńké ńgwɔ gíŋe cʉ́me mánzsè, ńgiŋe ńkága kǎg.

Megàŋ ntúm 1:2

ńgʉa ńkúu na lyɛ̌’ gie à la kwɔ́’ né tÿǒ lépwó. À la gwɔ́ kwɔ́’, ńcʉa na Zẅìge Ndʉalʉ̌a, ńtsẅii mmó gie ngàŋ ntúm gie à la tsɔ́’ ge cʉ́’ʉ ně gÿo.

Lukase 2:27

À Zẅìge Ndʉalʉ̌a gÿo, á gʉa *jʉ’ʉ Ssé, á gíŋe ńgwɔ́ pɔ́ fʉ̀’ó, mbà Yesyɛ̂b pɔ́ Malîɛ lɔgɔ́ mûɔ ńtó légÿo mmó gie *lepʉ̌ la ne ńzɛ́te.

Lukase 3:3

Jâŋ lêen ńké ńgʉa tsɛ̀ɛ melá’ mie ée nkʉŋ ntse Jurdeŋ, ńgiŋe sá’a mbwo lá’ ngie: Pɔ́ kúbe mà wɔb à nu’u wɔ́b ntse, e Ssé lege menò tepòŋ mɔ́b ńnáa mbwo pɔ́b.

Lukase 3:38

Kaynam gwɔ́ míŋ Enos. Enos gwɔ́ míŋ Sɛd. Sɛd gwɔ́ míŋ Adam. Adam gwɔ́ gẅie Ssé la pwóon ye.