Lukase 3:23 - Nouveau Testament en Ngienboum

²³ Yěsô la gwɔ́ zye létsẅi Nkʉ̀ Mbòŋo, á cʉ́’ʉ méjʉ’ à gẅiin ngù’ móm tá, mé ne ńkwaŋa ngie aa míŋ Yesyɛ̂b. Yesyɛ̂b gwɔ́ míŋ Eli.

Lukase 3:23 Referans Kwoze

Matio 13:55

À tè gwɔ́ pɔ́ míŋ kápíndɔ́ɔn wɔ́ lê? Lezíŋ má we té lê Malîɛ wɔ́ lê? À tè fɛ́ Jâg, lê Yesyɛ̂b, mbɔɔ Símo lê Jẅide wɔ́ lê?

Megàŋ ntúm 1:1

Ntʉ́ nzẅìŋ Téofil! Mèŋ n da ŋwe’e mvɔ́g mvfò ŋwà’ne, ńnáa mbwo gù ńdɔg ḿbíte menò mie Yěsô la gÿó, mbɔɔ mie à la la’te mbwo pʉ̀a ta fó nzyète fà’ ye,

Ŋwà’ne Jâŋ 6:42

Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Malékuse 6:3

À tè kápíndɔ́ɔn, ńgwɔ́ míŋ Malîɛ wâ? Ńgwɔ́ fɛ́ pà Jâg, ńgÿo Joses, ńgÿo Jẅide mbɔɔ Símo wâ? Mefɛ́ pé pe pànzwě té gwɔ́ pɔ́ lá’ pege wɔɔn wɔ́ le? Pɔ́ gɔɔn pá’ɔɔn, ńdʉ’ʉ lé jú’u nò yé.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Matio 1:16

Yakwɔ́b zyé Yesyɛ̂b, Yesyɛ̂b gwɔ́ ndǔm Malîɛ, Malîɛ gwɔ́ má pà Yěsô gẅie mé tóŋo le *Nzà’nkÿo.

Lukase 3:31

Eliakím gwɔ́ míŋ Méléa. Méléa gwɔ́ míŋ Mena. Mena gwɔ́ míŋ Matata. Matata gwɔ́ míŋ Nataŋ. Nataŋ gwɔ́ míŋ Ndavíd,

Matio 1:6

Jesé zyé fùɔ Ndavíd, fùɔ Ndavíd la zyé Salomo, mbà má pà Salomo láa nzwě Wiri.

Matio 1:1

Mezíŋ pàmangʉa njʉ̀’ Yěsô Kristo gẅie aa na ngẅɛ fùɔ Ndavíd, éfóo na ngẅɛ Ábalam e mɔɔn:

Lukase 2:48

Yesyɛ̌b pɔ́ Malîɛ gwɔ́ tà ńgyá yé ḿbú ḿmɔɔn tɛ’. Má we gɔɔn né yé ngie: Míŋ wɔ̀ɔn, ɔ̀ gwǎ zsé ngie ɔ̀ ge gÿo yɔɔn nò ná peg pá’ɔɔn á gwa’á la? Ɔ̀ kéen ńtsɔ́’ɔ léme yeg tá gù, peg zɔ́gɔ léfa’a ɔ́, ńně ḿbɔ́gɔ ngie kà tsɔ́ mmó zɔ̌ kéen ńgÿo ɔ́ wɔ́?

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.