Lukase 3:22 - Nouveau Testament en Ngienboum

²² A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Lukase 3:22 Referans Kwoze

Ŋwà’ne Jâŋ 1:32

Jâŋ gíŋe ńgɔɔn tsɔ́ nò gie à zsé ná Yěsô, ńgie: Mèŋ n da gyá zẅìge Ssé sẅɛ́’ ńnéŋe ná yé, ńgwɔ́ pá’ Kàpʉ̀ŋ.

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

1 Piɛ 2:4

Pi sẅɛ’te nnɛ́ ńtó nê lejʉ́ŋ yé, yé zɔ náa kwà’ le gwɔ́. À lɔgɔ ńgwɔ́ tóon gẅie ŋwà’ne Ssé gɔɔn ngie pʉ̀a mesoŋ la gwá’, tá’ e Ssé kaŋa yé, á gwɔ́ mmó tʉ̀ nzẅìŋ mbwo yé.

Matio 12:18

À la gɔɔn ngie: «Wɔ̀ɔn aa ngàŋa fà’ wɔ̀ɔn mie n deen ńtsɔ́’. N kwoŋo yé tɛ’, yé zɔ gÿo ntʉ́m wɔ̀ɔn kág. Mèŋ n ge gÿo ńnéŋe Zẅìge yɔ́ɔn ná yé, à gÿo ńnyɛ ntí lesá’a lá’ gie ee ndʉŋ ndʉŋ mbwó melá’ mie e té pà Israel wɔ́.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

Lukase 4:21

Á lêen ńké ńzye lékyagte, ńgɔ́ɔn ngie: Menò mie pi foo lé jú’u tsɛ̀ɛ ŋwà’ne Ssé lɛ é pumté lyɛ̌’ɔɔn.

Matio 27:43

À la záb ntʉ́m wé nà Ssé, e Ssé lɔɔn ne ńkwoŋo yé tà shwóŋó nò, á gÿo á tsẅɛ́ fʉ̀’ɔɔn! Nyìŋ wɛ̂ la zɔɔn ńgɔɔn ngie: Mèŋ n ge Míŋ Ssé.

Matio 3:13

Yěsô leen ńké fó Galilea ńtóo ncwò ntse Jurdeŋ, ńgyá Jâŋ légwɔ́ gie Jâŋ ge nu’u yé ntse.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.

Malékuse 1:9

Á laa nà lyɛ̌’ ásɛ̌, Yěsô leen ńké fó Nǎzarɛd, á tsɛ̀ɛ pàga ngwòŋ Galilea ńtó, ńgyá Jâŋ, á nu’u yé tsɛ̀ɛ ntse Jurdeŋ.

Malékuse 1:11

Ngyè fó tÿǒ lepwó ngie: Ɔɔ míŋ wɔ̀ɔn, mèŋ n kwoŋo ɔ́ tɛ’, n záb ntʉ́m wɔ̀ɔn ná gù.

Malékuse 9:7

Pɔ́ gwaa gyá, etsɔ́ melɔ́ɔn sẅɛ́’, ńkábte wɔ́b. Ngyè nyìŋ fóo tsoló ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’. Pi jú’ ncwò wé,

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Ŋwà’ne Jâŋ 5:37

Tá wɔ̀ɔn gẅie à la túmo wɔ̀ɔn, kwà’ yé máŋwɛ́ ne ńgɔɔn nò gie à zsě ná mèŋ. Pi laa ngyè ye jú’u, ńké tè shÿó wé gyá.

Ŋwà’ne Jâŋ 12:28

Tá wɔ̀ɔn, gÿo mé gu’te lezíŋ shú. Ngyè nyìŋ leen ńké fó lepwó ńgɔɔn ngie: Mèŋ n gÿǒ pú’u. Mèŋ n ge gíŋe gÿo sẅé sẅé.