Lukase 3:16 - Nouveau Testament en Ngienboum

¹⁶ Tá á tsɔ́’ɔ mbwó pɔ́b metsèm ngie: Mèŋ n dêen ńgẅiin yɔ́ɔn pɔ́ ndà’ lénu’u gẅi tsɛ̀ɛ ntse. Tá tsɔ̌ ndÿò ne ńtóo; à cʉa wɔ̀ɔn tà mèŋ n tè ku’u lékyɛ́’ menkÿo melɔ̌ɔn mé wɔ́. À ge tó néŋ pʉ̀a mbwo Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g.

Lukase 3:16 Referans Kwoze

Megàŋ ntúm 1:5

Á gwɔ́ pá’ à la shwóŋó wɔ́b ngie: Jâŋ la nù’ pʉ̀a ntse, tá ńgʉa ná pɔ́b, mbà é cʉ́’ lyɛ̌’ shÿɔ́’ɔ tsɔ́ wɔ́, e Ssé ńnéŋe wɔ́b mbwo Zẅìge Ndʉalʉ̌a.

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Ŋwà’ne Jâŋ 1:33

Kwà’ mèŋ n da zɔɔn tè ne ńzsé yé wɔ́, tá Ssé gẅie à la túmo wɔ̀ɔn ńgie mèŋ n gʉa ńnu’ pʉ̀a ntse, yé zɔ̌ gɔɔn né mèŋ ngie: Ɔ̀ ge gÿo gyá zẅìge Ssé tó ńnéŋe ná nyìŋ. Àa yé gẅie à ge ná pʉ̀a mbwo zẅìge Ssé.

Ŋwà’ne Jâŋ 1:26

Jâŋ tsɔ́’ɔ mbwo pɔ́b ngie à gʉa ná mèŋ, mbà mèŋ n nu’u pʉ̀a pɔ́ ndà’ tsɛ̀ɛ ntse. Atsɔ̌ nyìŋ ké ńgwɔ́ tsetsɛ̀ɛ pi, pi nyé té zsé yé.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Ŋwà’ne Jâŋ 7:38

Nyìŋ gẅie à zǎb ntʉ́m wé ná mèŋ la, mbà nò gie ŋwà’ne Ssé gɔɔn ge pumte: «Ntse ge fó tsɛ̀ɛ ntʉ́m wé kẅɛ ne cwóŋo pá’ ntse gẅie é fóo lesá’a la».

Megàŋ ntúm 10:44

Piɛ nyé ńgɔɔn nò gɔɔn, a Zẅìge Ndʉalʉ̌a sẅɛ́’, ńkúu nà ngwòŋ pʉ̀a metsèm pie pɔ́ ne ńzẅí’te nò gie à ne ńgɔɔn.

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Ŋwà’ne Jâŋ 1:27

Ayé nò ge pɔ́ɔnte yɔ́ɔn, mèŋ fǒ tè kú’u léŋwé’e ssé ńkyɛ́’ nkÿo melɔ̌ɔn mé wɔ́.