Lukase 3:14 - Nouveau Testament en Ngienboum

¹⁴ Pàlÿɔ́’ ncù gíŋe ńzɛ́te yɔ́b ngie: Ńgʉa ná peg, peg ga? Á tsɔ́’ ngie: Tà pi lɔg metʉ̀ kà cÿɔ̌ nò wɔ́ ésẅɛ́ɛ nyìŋ ńkẅé nkáb ye. Pi zẅí’te pɔ́ ndà’ nkába fà’ gi.

Lukase 3:14 Referans Kwoze

Filipo 4:11

Mèŋ n těen ńgɔɔn pú’u, mélà’mie tsɔ́ mmó ne ńzága mbwo mèŋ wɔ́. N dá zí’i légwɔ́ gie n dɔɔn ńzága mmó lo, ńgẅiin lo, mèŋ n ne ńkága kǎg.

Lukase 19:8

Pɔ́ ye gÿo ńgwɔ́ ndá, Sakîo tyé mvfò ye ńgɔɔn ngie: Cʉ̀apʉ̀a, mèŋ n ge gabte shúm sɔ́ɔn nzsè pʉ́a, é náa tà’ nzsè mbwo pàtèmmó, ńgwɔ́ gie n dǎ lɔgɔ gáte ńkẅé mmó nyìŋ, mbà mèŋ n ge tsɔ́’ náa mbwo ngàŋ ngʉ̀a lekùa.

Ŋwà’ne Ngyà jʉ’ 12:10

Mèŋ n deen ńké ńjú’ tsɔ̌ nyìŋ lɔg ngyè tetʉ́ʉ, éfó tÿǒ lepwó ńne ńgɔɔn ngie: Á yɔɔn, mbà fʉ̀’ gie mé ge tsẅɛ́ á kǔ’. Á yɔɔn, mbà fʉ̀’ gie e Ssé yege ge nyɛ metʉ̀ mé, yé zɔ cʉ́’ʉ sá’a pʉ̀a á kǔ’. Á yɔɔn, mbà fʉ̀’ gie *Nzà’nkÿo we gẅie à la tsɔ́’ gee ńnyɛ mé metʉ̀ á kǔ’. Á nue mé tsǒ nyìŋ gẅie à kɔ̌ɔn ńzɔ́gɔ ńtyé mvfò Ssé yege fʉ̀’e zsó pɔ́ tsẅɛ́’, ésẅiŋe mefɛ́ pege. Mé tsǒ yé ḿma’a ndùmo ssé tsetsá’.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Megàŋ ntúm 10:7

*Cÿɔ́’ Ssé tsẅii nò mbwo yé tà ńgʉa, Kornɛy cʉ́’ ńtóŋ megàŋa fà’ pé mépʉ́a, ńgÿo tà’ ndÿɔ́’ ncù. Á gwɔ́ gẅie pɔ́ yé zyě ńtsẅé. Á piŋ ńgwɔ́ nyìŋ ńgÿo yé mekù’ Ssé.

Matio 8:5

Yěsô gʉa tà ńkúu tÿǒsoŋ Kapernawúm, àtsɔ̌ tándá ncù pà *Roma zá’a yé, ésẅíŋte yé,

Lukase 3:10

Alá’ jú’, ńzɛ́te yé ngie: Tà á lɔɔn ńgwɔ́ pú’u, peg gǎ?

Lukase 3:13

Jâŋ tsɔ́’ɔ mbwo pɔ́b ngie: Pi kẅé ndà’ mmó gie *lepʉ̌ ne ńzɛ́te, tà pi kẅi’i.