Lukase 3:13 - Nouveau Testament en Ngienboum

¹³ Jâŋ tsɔ́’ɔ mbwo pɔ́b ngie: Pi kẅé ndà’ mmó gie *lepʉ̌ ne ńzɛ́te, tà pi kẅi’i.

Lukase 3:13 Referans Kwoze

Lukase 19:8

Pɔ́ ye gÿo ńgwɔ́ ndá, Sakîo tyé mvfò ye ńgɔɔn ngie: Cʉ̀apʉ̀a, mèŋ n ge gabte shúm sɔ́ɔn nzsè pʉ́a, é náa tà’ nzsè mbwo pàtèmmó, ńgwɔ́ gie n dǎ lɔgɔ gáte ńkẅé mmó nyìŋ, mbà mèŋ n ge tsɔ́’ náa mbwo ngàŋ ngʉ̀a lekùa.

Efeso 4:28

Pʉ̀a pie pɔ́ gẅiin mà léjʉ gwá’ tsǒŋ, ńcʉ́’ ńdɔg mbwó mɔ́b, éfa’ tà ńtéŋe zì’i ńzsé ngie pɔ́ ge gẅiin mmó tà lɔgɔ tsɔ́ é kẅéte pʉ̀a pie é ne ńzága yɔ́b,

Matio 7:12

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

Lukase 3:12

*Pàkẅé ncùb pà Roma la tó yɔ́b pá’ mé ge nu’u wɔ́b ntse, ńzɛ́te ngie: Tsítsà, tà peg ge gÿo yég lêkɔ́?

Lukase 3:14

Pàlÿɔ́’ ncù gíŋe ńzɛ́te yɔ́b ngie: Ńgʉa ná peg, peg ga? Á tsɔ́’ ngie: Tà pi lɔg metʉ̀ kà cÿɔ̌ nò wɔ́ ésẅɛ́ɛ nyìŋ ńkẅé nkáb ye. Pi zẅí’te pɔ́ ndà’ nkába fà’ gi.