Lukase 3:11 - Nouveau Testament en Ngienboum

¹¹ Á tsɔ́’ɔ mbwo pɔ́b ngie: Nyìŋ gẅi lɔɔn ńgẅiin menzsǒ mémbʉ́a, á náa tà’ mbwo nyìŋ gẅie à zɔɔn tè tsɔ̌ gẅiin. Nyìŋ gẅie à gẅiin mmó mpfɛ̌, náa ye nyìŋ gẅie nzyè ne ńgyáŋa yé.

Lukase 3:11 Referans Kwoze

1 Jâŋ 3:17

Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

Lukase 11:41

Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Megàŋ ntúm 10:31

ńgɔɔn né mèŋ ngie: Kornɛy, e Ssé ju’ú sẅíŋte jú. À kaa lege shúm sie ɔ̀ náa mbwo mepóŋ ńdɔgɔ ńkẅéte wɔ́b la wɔ́.

Megàŋ ntúm 10:4

Á pʉ’ʉ twó yé, ńdíe *cÿɔ́’ Ssé, ńne ḿbɔ́gɔ, ńgɔɔn né yé ngie: Áa kɔ́ Cʉ̀apʉ̀a? *Cÿɔ́’ Ssé tsɔ́’ɔ mbwo yé ngie: E Ssé jǔ’ pá’ ɔ̀ zɔgɔ lésẅíŋte yé, ńgíŋ ńgyá mbɔɔ mmó gie ɔ̀ ne ńgÿo ná mepóŋ ńdɔgɔ ńkẅéte wɔ́b. E Ssé kaa gú lege.

Megàŋ ntúm 10:2

Á gwɔ́ nyìŋ, pâ ngẅɛ̀ yé ntsèm pú ńgÿo mekù’ Ssé pà Yuda, ńjú’u ncwò wé. Á piŋ ńkẅéte pà Yuda pie ée mepóŋ tà é gyɔ́ɔn gyɔ̌ɔn, ńnéŋe sẅíŋte Ssé fʉ̀’ ntsèm.

Ŋwà’ne Jâŋ 13:29

Tsɔ́ pʉ̀a ne ńkwaŋa ngie à gɔɔn ngie Jẅidas gʉa ńjú sɔ́ba pɔ̌ shúm línɔ́ɔn, ka pɔ́ ngie à náa mmó mbwo mepóŋ wɔ́, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba pɔ̌.

Lukase 19:8

Pɔ́ ye gÿo ńgwɔ́ ndá, Sakîo tyé mvfò ye ńgɔɔn ngie: Cʉ̀apʉ̀a, mèŋ n ge gabte shúm sɔ́ɔn nzsè pʉ́a, é náa tà’ nzsè mbwo pàtèmmó, ńgwɔ́ gie n dǎ lɔgɔ gáte ńkẅé mmó nyìŋ, mbà mèŋ n ge tsɔ́’ náa mbwo ngàŋ ngʉ̀a lekùa.

Efeso 4:28

Pʉ̀a pie pɔ́ gẅiin mà léjʉ gwá’ tsǒŋ, ńcʉ́’ ńdɔg mbwó mɔ́b, éfa’ tà ńtéŋe zì’i ńzsé ngie pɔ́ ge gẅiin mmó tà lɔgɔ tsɔ́ é kẅéte pʉ̀a pie é ne ńzága yɔ́b,

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

Ŋwà’ne Jâg 2:14

Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?