Lukase 24:6 - Nouveau Testament en Ngienboum

⁶ À cʉ’ʉ́ jʉ’ɔɔn wɔ́, à zimé nà legwé. Pi zɔɔn ńkímte nò gie à la ne ńgɔɔn mbwo pi fʉ̀’ gie pi lâ pɔ́ la nyé Galilea.

Lukase 24:6 Referans Kwoze

Lukase 9:22

ḿbiŋ ńgɔɔn né pɔ́b ngie: *Míŋ Nyìŋ ge gyá ngɔ́’ tɛ’. Mekěme lá’ pâ *mentándá pànùŋe pwɔ́’ mbɔɔ *pàkyàgte lepʉ̌ Mǒsê lʉ’ʉ yé, ńgÿo mé zẅé yé, tá’ à gwɔ́ mbɔ́ɔntè lyɛ̌’ tá à zíme nà legwé.

Malékuse 8:31

Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Matio 28:6

À tè gíŋe ńgwɔ́ jʉ’ɔɔn wɔ́, à zimé nà legwé pá’ à la gɔɔn la. Pi tó ńdíe jʉ’ gie pfó yé kaa wó tá ńgyá.

Lukase 9:44

Pi cwoŋo ńjú’u nò gie n gee ngɔ̌ɔn lɔɔn mboŋó, ḿbiŋ ńkímte. Mé ne ńgee sẅǐŋ *Míŋ Nyìŋ mbwo pʉ̀a mesoŋ.

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 12:40

Ndʉŋ ndʉŋ pá’ Jonase la ńnéŋe tsɛ̀ɛ lepfòm máamáa ssó é lyɛ̌’ tá la; *Míŋ Nyìŋ ge lá’ gÿo yé lyɛ̌’ tá tsɛ̀ɛ tsetsá’.

Malékuse 16:6

Tá’, á gɔɔn né pɔ́b ngie: Tà pi pɔ́g, pi fa’a Yěsô mûɔ Nǎzarɛd gẅie mé kà kime yé nà tÿǒ nkǐ la? À zimé nà legwé, à tè nyé jʉ’ɔɔn wɔ́. Pi gyá, yɔɔn áa jʉ’ gie mé kà nuŋe pfó yé wó.

Lukase 24:5

Pɔ́ cÿɔ’ tà ńcʉ́’ ńdíe pɔ́ ssé, tá pʉ̀a ŋwɛ́ zɛ́te wɔ́b ngie: Pi tóo tsetsɛ̀ɛ mepfó ssé, éfa’a nyìŋ gẅie aa ntentʉ́ mélà’a kɔ́?

Lukase 24:34

Ńkẅɛ́te wɔ́b pú’u, pɔ́ shwóŋó wɔ́b ngie: Áa nénʉ́ ngie Ndè zimé nà legwé, Símo ně ńgyá yé.

Megàŋ ntúm 2:24

Tá e Ssé la kyɛ́’te menkÿo legwé nà yé, ńzíme yé mélà’ mie, á la zɔɔn ńtʉ́ pà’ à lɔɔn ńgwɔ́ legwé ńnéŋe yé ndá tsǎŋ.

2 Tesalonika 2:5

Tà pi tè ne ńkímte ngie afʉ̀’ gie n daa tsetsɛ̀ɛ pi, n da shwóŋó gẅi menó mɔɔn wɔ́?