Lukase 24:44 - Nouveau Testament en Ngienboum

⁴⁴ MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 24:44 Referans Kwoze

Megàŋ ntúm 13:33

À kéen ńgÿo yɛ̌ nò pumte twó pege pie pege ee gubé yɔ́b. À ka gÿó Yěsô zíme nà legwé pá’ mé la ŋwe’e tsɛ̀ɛ ŋwà’ne mezɔ́bɔ ntse, á nà mbɔ́ɔntè pàg pʉ́a ngie: Ɔ̀ɔ Míŋ wɔ̀ɔn tà fó lyɛ̌’ɔɔn, mèŋ n cʉ’ʉ́ tá gù.

Lukase 9:22

ḿbiŋ ńgɔɔn né pɔ́b ngie: *Míŋ Nyìŋ ge gyá ngɔ́’ tɛ’. Mekěme lá’ pâ *mentándá pànùŋe pwɔ́’ mbɔɔ *pàkyàgte lepʉ̌ Mǒsê lʉ’ʉ yé, ńgÿo mé zẅé yé, tá’ à gwɔ́ mbɔ́ɔntè lyɛ̌’ tá à zíme nà legwé.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Heber 10:1

Mendendá’ mie ée nà *lepʉ̌ Mǒsê zɔɔn ńgwɔ́ pɔ́ jʉ́jʉ́ŋ shúm mbòŋo sie e Ssé la gÿo pá’ é ge lá’ tó, é téen ńdɔgɔ ńgwɔ́ kwà’ sɛ̌ shúm wɔ́. Áa mmó gie á gÿo, ńgwɔ́ *lepʉ̌ ŋwɛ́ é le lɔgɔ nò pwɔ́’ gẅie á né ńzɛ́te ngie me lɔg ńtóo mvfò Ssé ngù’ ntsèm, é ké ńgwɔ́ pɔ́ tà’ ntí, ńdɔg ńgÿo pʉ̀a pie pɔ́ ne ńtsɔ́ɔn létsóte nnɛ́ nê lejʉ́ŋ Ssé, ku’u légwɔ́ pà tè *lɔ̌’ wɔ́.

Ŋwà’ne Jâŋ 5:46

Pi la zɔɔn pé’e ńzẅíŋe nò gie Mǒsê la gɔɔn, mbà pi zẅíŋe yɔ́ɔn, mélà’mie à la ŋwè’e nò ńtí wɔ̀ɔn.

Heber 9:8

A Zẅìge Ndʉalʉ̌a lɔ́ɔn ńdɔgɔ pú’u, ńnyɛɛ ngie wɔɔn ndùŋ mvfò ntàb lɔɔn ńké ńdá’ ńnyé ńgwɔ́ pɔ́ wó, mbà mánzsè létɔ́g tà ńkúu ná kwà’ jʉ’ gie e Ssé ee wó, à tè tsɔ́’ɔ wɔ́.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Ŋwà’ne Jâŋ 3:14

Ndʉŋ ndʉŋ pá’ Mǒsê la kwɛ́ nnú ná tà’a tÿǒ, ńkwé’e ńnáa tÿǒ, á nkwòŋo tsẅɛ̀ la, á ne ńzɛ́te ngie mé gÿo ńkwé’e *Míŋ Nyìŋ pɔ́ pú’u.

Lukase 24:46

Ńgɔɔn ngie: Áa tsɛ̀ɛ ŋwà’ne Ssé ńgwɔ́ ngie: *Nzà’nkÿo gẅíin lé lá’ ńgyá ngɔ́’, ńkwé, tá Ssé piŋ ńzíme yé nà legwé nà mbɔ́ɔntè lyɛ̌’ tá.

Heber 7:1

Melekisedeg ŋwɛ́ à laa fùɔ pʉ̀a Salem, ńgíŋe ńgwɔ́ nùŋe pwɔ́’ we Ssé, é Ssé gẅie à pi’i kɔ̀ɔkɔ́ɔ. Ábalam laa lyɛ̌’ gie à la gʉa ncù, ńtó ńdÿɔ́’ mefùɔ tà ńgyɔ́ɔn, ńjÿó wɔ́b, ńne ḿbiŋe nzèm, Melekisedeg gʉa ńzá’a yé, ńnéŋ mbʉ́lè ná yé.

Heber 3:5

Á ké ńgʉa ná Mǒsê, mbà á laa fʉ̀’ gie à la ne ńdíe pʉ̀a Ssé, ńzsé yé pɔ́ ndà’ mmó gie e Ssé la gɔɔn ngie à gÿo, ńgwɔ́ pɔ́ ngàŋa fà’, àkɔ́ɔkɔ́ɔ gie à lɔ̌ɔn ńgÿo nyɛɛ mmó nà menò mie e Ssé lɔ̌ɔn ńge lá’ gÿo e kẅɛ.

Megàŋ ntúm 7:37

Yé zɔ la gíŋe ńgɔɔn mbwó púɔ pà Israel ngie: «E Ssé ge lá’ gíŋe náa tsɔ̌ *ntsẅì nkʉ̀ Ssé né pi. À gwɔ́ pá’ mèŋ. À ge lá’ kẅɛ pɔ́ tsetsɛ̀ɛ pi.»

Lukase 22:37

Mèŋ n gɔɔn pá’ɔɔn, anò gie mé la ŋwé’e ńtí wɔ̀ɔn ne ńgee mbumté. Mé la ŋwe’e ngie: Mé ge lá’ sáŋa yé nùɔ mefÿɛ́. Akɔ́ɔkɔ́ɔ ké ńgwɔ́ pá’ɔɔn ńzye zye lépumte.

Lukase 21:22

À lɔgɔ pú’u, ńgwɔ́ lyɛ̌’ gie Ssé ńnéŋe ngʉ̀ngʉ̀ twó pʉ̀a Yerósalem. Menò mie mé la ŋwe’e tsɛ̀ɛ ŋwà’ne Ssé lɔgɔ ḿbumte.

Lukase 9:44

Pi cwoŋo ńjú’u nò gie n gee ngɔ̌ɔn lɔɔn mboŋó, ḿbiŋ ńkímte. Mé ne ńgee sẅǐŋ *Míŋ Nyìŋ mbwo pʉ̀a mesoŋ.

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Matio 26:54

N dɔɔn ńké ńgÿo pú’u, àmmó gie mé la ŋwe’e tsɛ̀ɛ ŋwà’ne Ssé gǎ tà ḿbumte? Á nue mé la ŋwe’e tsɛ̀ɛ wó ngie: Menò ge lá’ cʉate pɔ́ pá’ é cʉate fʉ̀’ɔɔn lɔɔn.

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

1 Piɛ 1:11

Pɔ́ la kag tʉ̀ lézsé fʉ̀’ʉ njÿó, mbɔɔ mmó gie á ge lá’ cʉa tá mmó gie Zẅìge Kristo la ne ńda’te wɔ́b à gÿo. Yɛ̌ Zẅìge gie á laa ná pɔ́b, la zɔɔn ńtʉ́ njÿó ńne ńda’te wɔ́b ngʉ̀ngʉ̀ gie Kristo ge gÿo gyá tà mbɔɔ legú’ gẅie à ge lá’ pɔ́ɔnte ngʉ̀ngʉ̀ ye ŋwɛ́.

Megàŋ ntúm 3:18

Tá’, e Ssé fó mǒ ńgÿo anò gie à la tʉ́ njÿó ńdɔg ncwò pà Ntsẅì nkʉ̀ pé métsèm ńgɔɔn á pumte. Yɛ̌ nò gwɔ́ ngie *Nzà’nkÿo we kɔ̌ɔn ńge lá’ gyá ngɔ́’.

Malékuse 9:31

ńně ńzí’i *ngàŋa kwò yé mmó, ńne shwóŋó ngie: Mé ge sẅiŋe *Míŋ Nyìŋ mbwo pʉ̀a mesoŋ pɔ́ gÿo à kwé. Tá’, e gwaa gwɔ́ lyɛ̌’ tá à zím.

Matio 1:22

Mɔɔn menò lɔgɔ ḿbumte pá’ɔɔn nà shwóŋó gie Cʉ̀apʉ̀a la lɔ́g ncwò Ntsẅì Nkʉ̀ we ńgɔɔn ngie:

Megàŋ ntúm 2:27

mélà’mie à lɔɔn ńgwɔ́ ɔ́ légwá’a wɔ̀ɔn lá’ mepfó wɔ́, ḿbiŋ ké lezẅíŋ ngie nyìŋ gẅie ɔ̀ la tsɔ́’ɔ yé à lʉ́ʉ tsɛ̀ɛ lesyè wɔ́.

Megàŋ ntúm 13:40

Pú’u la, pi ké ńdaga twó gí, ḿbɔ́gɔ mmó gie pà *ntsẅì nkʉ̀ Ssé la ŋwe’e tsɛ̀ɛ ŋwà’ne Ssé légÿo gẅí. Pɔ́ la gɔɔn ngie: