Lukase 23:5 - Nouveau Testament en Ngienboum

⁵ Tá pɔ́ cwoŋo ńkẅi kẅi, ńgɔɔn ngie: A ne ńgwáa ńkʉ́’ʉ ésẅite pʉ̀a ngie pɔ́ tʉʉ twó. À la zye Galilea, ńkúu Jẅidea, à gie à lɔ̌g ńtó tó tà ńkúu jʉ’ɔɔn lɔɔn.

Lukase 23:5 Referans Kwoze

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 1:43

Njÿó gÿo ńdʉ́a, Yěsô záb ngie à ge gʉa tsɛ̀ɛ pàga ngwòŋ Galilea, ńne ńgee, ḿbumte Filib, ńgɔɔn né yé ngie cʉ́me nzèm mèŋ.

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Megàŋ ntúm 23:10

Mé pú ńga’a lézoŋ. Tándá metándá ncù pà *Roma gyá ḿbɔ́g, ńgie pɔ́ ge tsyete Pɔl mekèm mekèm, ńdeen ńké ńtsẅi né pàlÿɔ́’ ncù ngie pɔ́ lwo sẅɛ́’, ńgÿo mé lɔgɔ Pɔl fó jʉ’ gie mé sá’a ntsaŋ wó ńkẅɛ, ńgie pɔ́ lɔgɔ yé ńgʉa lê mbʉ̀a pɔ́b.

Megàŋ ntúm 10:37

Wɔɔn nkʉ̀ ŋwɛ́ ka pɔ́ɔnte nò gie Jâŋ la gwɔ́ nu’ pʉ̀a ntse, ńne ńgɔɔn. Pi ne ńzsé ngie yɔɔn nò ka zye Galilea, ḿbiŋ ńgʉa ḿbú sa jʉ’ tsɛ̀ɛ Jẅidea ntsèm.

Megàŋ ntúm 7:57

Pɔ́ jú’ pú’u, ńziŋe metuŋó mɔ́b, ńga’te lê tʉ̀, ńzyɛ́’ ḿbʉle ná yé,

Megàŋ ntúm 7:54

Pàsá’ ntsaŋ la jú’ pú’u, lóŋ wɔb ffó. Pɔ́ lu ssé nzèm Etien,

Megàŋ ntúm 5:33

Mekěm jú’ pá’ pɔ́ gɔ̌ɔn pú’u, mbú ńgyáŋa lóŋ, ńzyé lékwaŋte lézẅé megàŋ ntúm.

Ŋwà’ne Jâŋ 19:15

Pà Yuda náa gwá ngie: Mé zẅé yé, mé zẅé yé. Gÿo mé kime yé nà tÿǒ nkǐ. *Pilato gɔɔn né pɔ́b ngie: Mèŋ n zɔ ge kime fùɔ gẅi ná tÿǒ nkǐ ka? Mentándá pànuŋe pwɔ́’ tsɔ́’ ngie: É té ndà’ Kása wɔ́, mbà peg tè tsɔ̌ fùɔ gẅiin.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Ŋwà’ne Jâŋ 7:41

Petsɔ́ ne ńgɔɔn ngie yé zɔɔ *Nzà’nkÿo. Tá’, petsɔ́ ne ńgɔɔn yɔ́b pɔ́ ngie *Nzà’nkÿo lɔɔn ńgwɔ́ á le fó Galilea wɔ́.

Lukase 23:23

Alá’ ké ńdɔg pɔ́ ngyè tetʉ́ʉ, ńkẅi kẅi ngie mé kime yé nà tÿǒ nkǐ, tà á cʉa *Pilato.

Lukase 11:53

Yěsô gwaa fó ndá kẅɛ, lóŋ pàkyàgte *lepʉ̌ Mǒsê là we pà *farisay ne ffó, pɔ́ cʉ́’ʉ ńzɛ́te yé menò pɔ́ ntsote tsotě,

Matio 27:24

*Pilato gyá ngie mé té ne ńjú’u nò gie à gɔɔn wɔ́, ńně ńgyá ngie ńgwɔ́ á sele pʉ̀a tág jʉ’, ńdeen ńké ńkaa ntse, ésɔg mbwó mé á mvfò lá’, ńgɔɔn ngie: Mèŋ n te nò ná nò nyìŋ wɛ̂ gẅiin, á ne ńdíe pɔ́ gẅí

Matio 2:1

Mé gwaa zyé Yěsô á tÿǒsoŋ Mbetélehem á tsɛ̀ɛ pàga ngwòŋ Jẅidea, é gwɔ́ ngù’ fùɔ *Herôd. Á gwɔ́ fʉ̀’ ayɛ̌, etsɔ́ pàzsé nò nà mecÿɔ́’ saŋ fó lá’ pɔ́b mbu’ sǎ’ nèm ńtóo Yerósalem,

Matio 11:1

Yěsô la gɔɔn yɔ̀ɔn nò mbwó *ngàŋa kwò yé ntsɔ̀b pʉ́a nê legém tà ńtsẅé jʉ’, éfo jʉ’ó ńgʉa, ńgiŋe ńzí’i pʉ̀a mmó ḿbiŋe ńtsẅì nkʉ̀ mbòŋo tsɛ̀ɛ metÿǒsoŋ na yɛ̌ pàga ngwòŋ.

Lukase 23:6

*Pilato jú’ pú’u, ńzɛ́te ngie: Aa nyìŋ Galilea wá?