Lukase 23:4 - Nouveau Testament en Ngienboum

⁴ *Pilato gɔɔn mbwo *metándá pànùŋe pwɔ́’ mbɔɔ mbwo lá’ ngie: Mèŋ n tè ne ńgyá mmó gie nyìŋ wɔɔn fʉ̌a tà ńgwɔ́ mé gɔɔn ngie à gwě ntsàŋ wɔ́.

Lukase 23:4 Referans Kwoze

Ŋwà’ne Jâŋ 18:38

*Pilato gɔɔn né yé ngie: Anò nénʉ́ áa yɛ̌? Ńgɔɔn pú’u, ńgíŋe fó ndá ńkẅɛ, ńgʉa ńgyá mekěm pà Yuda pǐ. Ńgɔɔn né pɔ́b ngie, mèŋ n tě ně ńgyá mmó gie mé ge cʉa mǒ tá gɔɔn ngie nyìŋ wɔɔn gwě ntsaŋ wɔ́.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Piɛ 1:19

À la lɔg pɔ́ tʉ̀ nzẅìŋ metse Kristo gẅie tsɔ́ nò tepòŋ té ná yé wɔ́, atsɔ́ *lɔ̌’ ké tè ná yé wɔ́. Kristo laa pá’ mûɔ *njʉ̀njÿò gẅie mé la zẅé yé ńdɔg ńnuŋe pwɔ́’.

Lukase 23:22

*Pilato gɔɔn nò ná mbɔ́ɔntè yétá ngie: Nò tepòŋ gie áa pá’ɔɔn, mbà à gÿǒ áa kɔ́? Mèŋ n kaa gyá tsɔ́ nò gie à fʉ̌a tà ńgwɔ́ mé zẅé yé zẅé wɔ́. Mèŋ n ge tsẅi mé lɔg ngwɔ̀ɔn ńcúa yé, n nyé yé à gʉa.

Malékuse 15:14

*Pilato zɛ́te wɔ́b ngie: Kwà’ nò tepòŋ gie à gÿǒ áa kɔ́? Tá’, alá’ gíŋe ńkẅi’i ńnáa gwá ngie: Ké ńkime yé kim!

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Megàŋ ntúm 25:25

Á gʉa ná mèŋ, mbà mèŋ n kaa gyá tsɔ́ mmó gie à ka gÿo tà ńgwɔ́ mé cʉa mǒ ńdeen ńzẅé yé zẅé wɔ́. Kwà’ yé máŋwɛ́ ka zɛté ngie Kása zɔ cʉ́’ ńŋaga yé. Tà mèŋ n záb yɔ́ɔn ngie mèŋ n ge túmo yé, é náa mbwo yé.