Lukase 23:2 - Nouveau Testament en Ngienboum

² Ńzye lésẅiŋe yé ngie: Peg gyǎ nyìŋ wɔɔn ne ngwá ńkʉ́’ʉ tsɛ̀ɛ ngwòŋ wég ńcʉŋte twó lá’, ńtɔ’ɔ wɔ́b léma’ ncùb ntÿɔ́’, nnáa mbwo Kása pà *Roma. A giŋé ne ńgɔɔn ngie aa *Nzà’nkÿo gẅie e Ssé la ka’a mbwo peg, ńdɔgɔ ńgɔɔn ngie aa fùɔ.

Lukase 23:2 Referans Kwoze

Ŋwà’ne Jâŋ 19:12

*Pilato zye fʉ̀’ó léfa’ shÿó pá’ à ge nyé Yěsô. Tá’ pà Yuda zye lénáa gwá ngie: Ɔ̀ lɔɔn ńnyé yé, mbà ɔ̀ tè shǔ Kása pà *Roma wɔ́. Wɛ̌ nyìŋ wɔ́ gẅie à gɔɔn ngie yé aa fùɔ, à gwɔ́ pɔ́ ngàŋ mbù Kása.

Lukase 23:14

ńgɔɔn né pɔ́b ngie: Pi ně ńgwɔ́ lɔgɔ nyìŋ wɔɔn tóo mvfò mèŋ, ńgɔɔn ngie à ne ńcʉŋte twó lá’. N ŋagá yé pɔ́ mvfò pi. N gʉ̌a nà menò mie pi ně ńgɔɔn ná yé, n tè gyá tsɔ́ mefʉ̀a wɔ́.

Megàŋ ntúm 24:5

Peg ka gyǎ nyìŋ wɔɔn á gwɔ́ nyìŋ gẅie à lɔɔn ńgwɔ́ mé pɔ́gɔ yé tɛ’. À ne ḿma’a tág tsetsɛ̀ɛ pà Yuda metsèm, á jʉ’ ntsèm ndùmo ssé tsetsá’. Àa pɛ́’ɛ̀ ńgwɔ́ tándá tsɔ́ pàfag nnɛ́ pie mé tóŋo lê pà Nazaréen.

Ŋwà’ne Jâŋ 18:30

Pɔ́ tsɔ́’ ngie: Nyìŋ áwɛ̌ ně ńgwé’e tè nò tepòŋ gÿo, mbà peg kaa lɔgɔ yé ńtóo mvfò gù wɔ́.

Malékuse 12:17

Á gɔɔn né pɔ́b ngie: Á lɔɔn ńgwɔ́ pú’u, pi náa mmó Kása mbwo Kása, ńnáa ye Ssé mbwo Ssé. Pɔ́ jú’ ntí gie à lɔ̌g ńtsɔ́’, á pú ńkʉ’ʉ wɔ́b tɛ’. Ncwò wɔ́b júm.

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Megàŋ ntúm 24:13

Menò mɛ mie pʉ̀a tÿɔ́gɔ twó mèŋ lɛ, mé lɔɔn ngie megàŋ píte pɔ́ le zsé lépíte wɔ́.

Lukase 23:5

Tá pɔ́ cwoŋo ńkẅi kẅi, ńgɔɔn ngie: A ne ńgwáa ńkʉ́’ʉ ésẅite pʉ̀a ngie pɔ́ tʉʉ twó. À la zye Galilea, ńkúu Jẅidea, à gie à lɔ̌g ńtó tó tà ńkúu jʉ’ɔɔn lɔɔn.

Matio 17:27

Tá’ tà pɔgɔ gÿo nò pÿɔ́g pàkẅé ncùb. Gʉa ntse ḿma’ lezɔ́b. Ɔ̀ ge gwoon ndùŋ mvfò mbab ssó, é nyɛ́’ ncwò we, é gyá pàga nkáb, é kẅile lɔg gʉa ma’ yɔgɔ ncùb.

Matio 27:11

Yěsô kúu mvfò Ngúmnɔ́ɔn *Pilato, á zɛ́te yé ngie: Ɔ̀ɔ fùɔ pà Yuda lá? Yěsô tsɔ́’ɔ mbwó yé ngie: Ɔ̀ gɔ̌ɔn pú’u.

Malékuse 15:2

*Pilato zɛ́te yé ngie: Ɔɔ fùɔ pà Yuda lá? Yěsô tsɔ́’ɔ mbwo yé ngie: Ɔ̀ gɔ̌ɔn pú’u.

Ŋwà’ne Jâŋ 18:29

*Pilato kẅɛ́te wɔ́b pǐ, ńgɔɔn ngie: Pi sẅiŋe nyìŋ wɔɔn mélà’a kɔ́?

Roma 13:7

Pú’u la, á gʉa nà pàsá’ ngwòŋ, pi náa mmó gie á ne ńzɛ́te ngie pi náa mbwo wɛ̌ nyìŋ wɔ́ né yé. E lɔɔn ńgwɔ́ ncùb ngwòŋ, pi náa mbwo nyìŋ gẅie à kẅé ncùb ngwòŋ, ńgwɔ́ nkáb gie *lepʉ̌ ne ńzɛ́te mbwo pi ná tsɔ́ nò, pi náa mbwo nyìŋ gẅie à kẅé yɛ̌. Pi jú’ ncwò nyìŋ gẅie á ne ńzɛ́te ngie mé jú’ ncwò wé, ńná mekù’ nyìŋ gẅie á ne ńzɛ́te ngie mé ná mekù’ mé.