Lukase 22:7 - Nouveau Testament en Ngienboum

⁷ Alyɛ’ɛ́ *Páskà ŋwɛ́ leen ńké ńtó, ńgwɔ́ lyɛ̌’ gie mé lɔ́ɔn ńgwaa púɔ *njʉ̀njÿò línɔ́ɔn.

Lukase 22:7 Referans Kwoze

1 Korento 5:7

Pi kẅile *mvòŋ nzẅìŋe mà tsetsɛ̀ɛ pi, ńzsé ngie pi ge gwɔ́ té *lɔ̌’. À fó pú’u, pi gwɔ́ feléwa ntsab gie á nyé pɔ́ ye sẅé, té tsɔ̌ *mvòŋ mǒ. Pi kéen ńzɔɔn ńdá’ ńgwɔ́ pú’u, á nue mé lá lɔgɔ Kristo ńnuŋe pwɔ́’, á gwɔ́ pá’ wege mûɔ *njʉ̀njÿò línɔ́ɔn *Páskà la.

Lukase 22:1

Alyɛ’ɛ́ línɔ́ɔn pà Yuda gie mé lɔ́ɔn ńtóŋo le *Páskà gÿo ne ńku’u, ńdɔgɔ ńzye ngàb gie pɔ́ lɔ́ɔn ḿpfɛ́ɛ tsɔ̌ ntí mbelég té *mvòŋ.

Lukase 22:6

Á zẅíŋ, ńgwóon ńzye léfa’ shÿó pá’ à ge sẅiŋe Yěsô mbwo pɔ́b tà lá’ le zsé.