Lukase 22:16 - Nouveau Testament en Ngienboum

¹⁶ Tà mèŋ shwóŋó gẅi mboŋó: N tě ńdá’a ńgíŋe ńjÿó tsɔ̌ *Páskà wɔ́, tà lá’ kú fʉ̀’ gie anò yɔɔn línɔ́ɔn pumté, tà Ssé zɔ̌ cʉ́’ʉ sá’a njÿó.

Lukase 22:16 Referans Kwoze

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Lukase 14:15

Mé jú’u yɔɔn shwóŋè tà tsɔ̌ nyìŋ gẅie pâ pɔ̌ la ńnéŋe ssé ńně ńjÿó mmó gɔɔn mbwo Yěsô ngie: Ashÿó mbòŋo aa nyìŋ gẅie à ge lá’ jÿó yé mmó tsɛ̀ɛ ngwòŋ Ssé!

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Megàŋ ntúm 10:41

À ka tè nyɛɛ mbwo lá’a ntsèm wɔ́, à ka nyɛ pɔ́ mbwo peg pàjÿó ńgyá pie Ssé la vɔg ńtsɔ́’. À ka zimé nà legwé pú’u, pega pɔ́ jÿó shúm ḿbiŋ ńnú.

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

Lukase 12:37

Pàshÿó mbòŋo ée ngàŋa fà’ gie tá fà’ wɔ́b gwaa tó, mbà pɔ́ kaa lyé. Oon, mèŋ shwóŋó gẅí, á gwɔ́ nénʉ́, à ge tém nzsǒ fà’, é tsẅi megàŋa fà’ pé ńnéŋe ssé, à lɔg shúm ńcʉa, ńgab pɔ́ pfɛ́.

Lukase 22:15

ńně ḿpfɛ́ɛ mmó, á gɔɔn né pɔ́b ngie: N ka kě ńtsɔ́ɔn tɛ’ pá’ pege ge pú jÿó wɔɔn *Páskà tá mèŋ n gyá ngɔ́’.

Lukase 22:18

Pi zsé ngie mèŋ, n tě ńdá’a ńgíŋe ńnúu melù’ wɔ́ tà lá’ kú fʉ̀’ gie Ssé zɔ cʉ’ʉ́ sá’a njÿó.