Lukase 22:11 - Nouveau Testament en Ngienboum

¹¹ É gɔɔn né ngàŋ ndá ngie: Tsítsà gɔ̌ɔn ngie peg zɛ́te gú ngie lûm ndá gẅie pâ *ngàŋa kwò yé ge jÿó *Páskà wó aa wɛ̌ wɔ́?

Lukase 22:11 Referans Kwoze

Ŋwà’ne Jâŋ 11:28

Mágtà gɔɔn pá’ɔɔn, ńgʉa ńtóŋo fɛ́ we Malîɛ, ńdemte yé ngie: Tsítsà aa pǐ ne ngie ɔ̀ tó.

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.

Lukase 19:34

Pɔ́ tsɔ́’ ngie: Andè zɔ ne ńtsɔ́ɔn.

Lukase 19:31

Pi lɔɔn ne ńkyɛ́’ɛ, nyìŋ zɛ́te gẅi ngie pi kyɛ’ɛ nzikáase yɛ mélà’akɔ́ wɔ́? Pi tsɔ́’ ngie Andè zɔ ne ńtsɔ́ɔn.

Lukase 19:5

Yěsô gʉa tà ńkúu jʉ’ó, ḿbʉ’ʉ twó yé ńdíe yé, ńgɔɔn ngie: Lwo sẅɛ́’ me Sakîo, á poŋ ngie, n dá’ pɔ́ ndá gù lyɛ̌’ɔɔn.

Matio 21:3

Pi lɔɔn ne ńkyɛ́’ɛ, nyìŋ gɔɔn nò, pi tsɔ́’ ngie: A Ndè zɔ ne ńtsɔ́ɔn. Mbà à ge gwóon nyé pi lɔg ńgʉa.

Malékuse 14:14

tà à kúu ndá, pi kú gí, ńgɔɔn né ngàŋ ndá ngie: Tsítsà gɔɔn ngie peg zɛ́te gú ngie awe lûm ndá gẅie pâ *ngàŋa kwò yé ge jÿó *Páskà wó, aa wɛ̌ wɔ́?

Lukase 22:10

Á gɔɔn ngie: Pi jú’ mboŋó, pi ge gʉa tà kúu tÿǒsoŋ, é gyá mámbàŋa gẅiin tÿóon ntse, pi cʉ́me nzèm ye, tà á kúu ndá pi kú gí.

Lukase 22:12

À ge nyɛɛ gẅi máamáa lûm ndá ná ndêg we tÿǒ, tà mbà mé ně ńdá’ ńtáŋte mboŋó, áa jʉ’ gie pi ge cwoŋte ségè shúm línɔ́ɔn wó.