Lukase 21:16 - Nouveau Testament en Ngienboum

¹⁶ Kwà’ pʉ̀a pí ge lá’ zába nò ná pi, mbɔɔ kwà’ metá pí pâ memá pí, tà mbɔɔ mefɛ́ pí, pâ pʉ̀a pie é tswé’e gẅí, mbɔɔ meshǔ pí. Pɔ́ lɔgɔ gẅi ńgʉa, mé ŋaga gẅí, ńzẅéte pʉ̀a tà ńgyɔ́ɔn tsetsɛ̀ɛ pi.

Lukase 21:16 Referans Kwoze

Lukase 12:53

Tá múɔ ge gÿo lʉ’ʉ lé jú’u nò míŋ we we mbàŋa, mûɔ mbàŋa lʉ’ʉ lé jú’u nò tá we. Má múɔ gÿo ńdʉ’ʉ lé jú’u nò míŋ we we manzwě, múɔ manzwě à lʉ’ʉ lé jú’u nò má we. Anzwě múɔ gÿo ńdʉ’ʉ lé jú’u nò mándúm we, mándúm lʉ’ʉ lé jú’u nò nzwě múɔ.

Ŋwà’ne Ngyà jʉ’ 6:9

Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétʉ̀a, mèŋ n gyá mentʉ́m pʉ̀a pie mé la zẅéte wɔ́b, mélà’mie pɔ́ la shwóŋó nò Ssé mbɔɔ ná pá’ pɔ́ la gɔɔn mmó gie pɔ́ zsé nà nò Yěsô, é nuŋte tsìŋe jʉ’ gie mé nuŋe pwɔ́’ wó,

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Megàŋ ntúm 12:2

ńtúm mé gʉa ńdɔg nně ncù ńzẅé Jâg gẅie aa fɛ́ Jâŋ.

Megàŋ ntúm 7:59

Pɔ́ la gwaa ně lɔgɔ metóon témte Etien, á sẅíŋte Ssé ńgɔɔn ngie: Cʉ̀apʉ̀a Yěsô, azẅìge yɔ́ɔn yɛ nà mbwo mú.

Malékuse 13:12

Nyìŋ ge gÿo gwoon fɛ́ we ná mé zẅé, tá múɔ gwoon míŋ we ńná mé zẅé, egubé ge lá’ lu ssé cʉ́’ megàŋ mbù metá pɔ́b, é gÿo mé zẅé wɔ́b.

Matio 10:21

Nyìŋ ge gwoon fɛ́ we ńná mé zẅé, tá múɔ gwoon míŋ we ńná mé zẅé, gubé ge lá’ lu ssé cʉ́’ megàŋ mbù metá pɔ́b, e gÿo mé zẅé wɔ́b.

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Lukase 21:17

Pʉ̀a metsèm ge lá’ pú pʉ̀a gẅi mélà’ mɔ́ɔn.