Lukase 21:12 - Nouveau Testament en Ngienboum

¹² Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Lukase 21:12 Referans Kwoze

1 Piɛ 2:13

!Pi cʉa nà lezíŋ Cʉ̀apʉ̀a ńjú’ ncwò pàsá’a lá’ métsèm. Pi jú’ ncwò Kasa gẅie à tyé mvfó pàsá’a lá’ métsèm,

Megàŋ ntúm 22:30

Njÿó gÿo ńdʉ́a, Tándá metándá ncù fa’a lékwa’ ńnyɛte ńzsé mmó gie pà Yuda ka gwaa sẅiŋe Pɔl, ésẅiŋe ńtí yɛ̌, ńtsẅi mé kyɛ́’ metsɛ̂n ná yé, ńgíŋe ńtsẅi mé tóŋ mentándá pànuŋe pwɔ́’ lâ petsɔ́ pàŋag ntsaŋ pà Yuda, ńdeen ńké ńgÿo mé lɔgɔ Pɔl ńcwóŋ ńtó ńtÿɔ́gɔ yé mvfò pɔ́b.

Megàŋ ntúm 9:4

Á tsɔ́’ɔ ńgwe ssé, ńjú’ ngyè nyìŋ gɔɔn né yé ngie: Sɔ̂l, Sɔ̂l, ɔ̀ tsɔ́’ɔ kwò yɔ́ɔn té poŋ mélà’a kɔ́?

Megàŋ ntúm 8:3

Sɔ̂l ne ńkaga yé pɔ́ tʉ̀ lépyága cú’tè pʉ̀a Kristo, ńně ńkúu mendá mendá éfa’a pʉ̀a Kristo, ńgwoon mbàŋa lâ pànzwě, ńnáa mé ma’a wɔ́b ndá tsǎŋ.

Megàŋ ntúm 5:40

ńtóŋ megàŋ ntúm, ńtsẅi mé lɔg ngwɔ̀ɔn ńcúa wɔ́b. Pɔ́ tɔ’ɔ wɔ́b légíŋ ńdɔg lezíŋ Yěsô ńgɔɔn nò, ndêen ńké ńnyé wɔ́b pɔ́ gʉa.

Ŋwà’ne Jâŋ 15:20

Pi kímte nò gie mèŋ n da gɔɔn mbwo pi ngie: Mênkʉ́ fà’ tè fáŋ ńtɔ́gɔ tá fà’ we wɔ́, à lɔɔn ńgwɔ́ gie pɔ́ la pʉa wɔ̀ɔn, mbà pɔ́ gé gíŋ pʉa gẅi gí pɔ́ pú’u, ńgwɔ́ gie pɔ́ la kú’te shwóŋè yɔ́ɔn, mbà pɔ́ ge gíŋe kú’te gí pɔ́ pú’u.

Matio 22:6

Petsɔ́ gwoon mentsìndá fùɔ ŋwɛ́, ńgege wɔ́b, ńzẅéte wɔ́b.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Matio 24:8

Mɔɔn menò ge lá’ lɔgɔ gwɔ́ pá’ manzwě gẅie à zyete lélúme la.

Lukase 21:11

Tsetsá’ ge lá’ pú cʉ’ʉ nà mejʉ’ tà ńgyɔ́ɔn, gwá’a pɔ́ gwáŋa gwe tsɛ̀ɛ mepàg ngwòŋ tà ńgyɔ́ɔn. Mentʉ̀ menò gÿo, éshúm sie mé ge gyá cÿɔ’ cÿɔ’ kẅɛɛ lefaŋ.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.