Lukase 20:5 - Nouveau Testament en Ngienboum

⁵ Pɔ́ jú’, ńkwaŋte tsetsɛ̀ɛ pɔ́b ngie: Pege lɔɔn ngie e Ssé zɔ la túmo yé, mbà à ge zɛ́te wégè ngie tà mélà’a kɔ́ pege la tè zẅíŋe nò gie Jâŋ lɔ̌ɔn ńgɔɔn wɔ̂?

Lukase 20:5 Referans Kwoze

Megàŋ ntúm 13:25

Jâŋ gÿo ńcʉ́’ʉ lémege fà’ yé, ńzɛ́te lá’ ngie: Pi ee pá’ɔɔn ne ńkwaŋa ngie mèŋ n gee wɔ̌? Mèŋ n ké tè *Nzà’nkÿo pù’ wɔ́! Pi ké ńjú’ mboŋó, àa nzèm mèŋ ńne ńtóo. N zɔɔn fó tè ku’u nyìŋ gẅie à lɔɔn ńgwɔ́ n kyɛ́’ nkÿo melɔ̌ɔn mé wɔ́.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:30

Àa yé gẅie mèŋ n kɔ̌ɔn shwóŋó gẅi la, pá’ mèŋ n kɔ̌ɔn ńgɔɔn ngie: Nyìŋ aa nzèm mèŋ ńne ńtóo, à cʉa wɔ̀ɔn, mélà’mie mé la gwaa zyé wɔ̀ɔn, á gwɔ́ pɔ́ wó.

Matio 16:7

*Ngàŋa kwò yé jú’, ńdeen ńké ne ńgɔɔn tsetsɛ̀ɛ pɔ́b ngie, ndyɛ̌’ à gɔɔn pɛ́’ɛ, mélà’mie pege ně ńdege té pí mbelég.

Matio 21:25

Àwɔ̌ la túmo Jâŋ lénu’ pʉ̀a ntse? E Ssé ka nyìŋ mesoŋ? Pɔ́ jú’, ńkwaŋte tsetsɛ̀ɛ pɔ́b ngie: Pege lɔɔn ngie e Ssé zɔ la túmo yé, mbà à ge zɛ́te wégè ngie tà mélà’a kɔ́ pege la tè zẅíŋe nò gie Jâŋ lɔ̌ɔn ńgɔɔn wɔ́?

Lukase 20:4

Awɔ̌ la túmo Jâŋ Mbabtis? E Ssé kà pɔ́ pʉ̀a mesoŋ?

Lukase 20:6

MÀbiŋ ngie pʉ̀a mesoŋ zɔ̌ la túmo yé, mbà lá’ ge lɔg metóon téme wégè zẅé, mélà’mie pɔ́ ée nà yɔ́b twó ńne ńzsé ngie Jâŋ laa *ntsẅì nkʉ̀ Ssé.