Lukase 20:10 - Nouveau Testament en Ngienboum

¹⁰ Afʉ̀’e lékáb ntɔ̌ɔn tÿǒ gÿo ńku’, á túmo tsɔ̌ nyìŋ na pafa’a fa’ pe mbwo pʉ̀a pie ée nká’ ngie à gʉa ńkẅé mé mentɔ̌ɔn tÿǒ ńdɔg ńtó. Pɔ́ nkúu wó, ńgwoon yé ńcúa, ńjwoŋo yé á piŋ mbwó mesẅɛ̀ɛ.

Lukase 20:10 Referans Kwoze

Roma 7:4

Á gíŋe ńgwɔ́ pɔ́ ndʉŋ ndʉŋ pú’u, ná pi, mbà mefɛ́ pɔ́ɔn. Pi ee fʉ̀’ɔɔn ńgwɔ́ nà nò *lepʉ̌ ńgwɔ́ pɔ́ mepfó tá ńdɔgɔ nku’u pʉa Ssé, á nue pia Kristo la púte ńkwé fʉ̀’ gie à la kwé, pia *lepʉ̌ lɔg pú’u, fege légwɔ́ gie pi ge cʉ́’ gwɔ́ pɔ́ pʉ̀a tsɔ̌ nyìŋ ndyɛ̀’ɛ, é pʉ̀a Yěsô Kristo gẅie e Ssé la gÿo á zíme ná legwé. Légwɔ́ gie pege ge fa’ mefà’ mie ée me mbòŋo mbwo Ssé.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Lukase 13:34

Afʉ̀’ ku’, á mɔɔn ngie: Pà Yerósalem, pà Yerósalem, pi pie pi ee ńzẅé *pàntsẅì nkʉ̀ Ssé zẅé, ńdɔgɔ metóon ńtémte pʉ̀a pie Ssé tumó mbwo pi ńzẅéte, ée ngʉa shÿɔ́’ɔ pá’ mèŋ fa’á lécú’te púɔ pí, pá’ mêngáb cú’tè púɔ pé lepàb ye, pi ké ńdʉ’ lʉ’?

Lukase 20:9

Ńgɔɔn pú’u, ńzye lélɔg sagá nò ńgɔɔn né lá’ ngie: Atsɔ̌ ndÿò lǎ’ ńgẅiin nká’ wé, ńgʉa tsòló ḿbye metÿǒ mie mé kyéen mentɔ̌ɔn ńdɔgɔ ńnyɛte melù’, ńdu ssé ńgee legìŋ, ńgee tóo wó ńnéŋe tɛ’.

Lukase 20:11

Á gíŋe ńtúmo wetsɔ̌, pɔ́ gíŋe wéwɛ̌ ńcúa, ńzoonte yé, ńjwoŋo yé á piŋ mbwo mesẅɛ̀ɛ.