Lukase 2:25 - Nouveau Testament en Ngienboum

²⁵ Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.

Lukase 2:25 Referans Kwoze

Lukase 1:6

Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

Lukase 2:38

ńtóo *jʉ’ʉ Ssé tsɔ́ lyɛ̌’ pá’ à zɔ̀ɔn ńtóo, ńgwaa kúu wó fʉ̀’ó, mbà mé lɔgɔ́ múɔ ńtó, á gyá yé, ésíe Ssé, ńdêen ńké ńzye léshwóŋó nò wɔɔn múɔ mbwo pʉ̀a metsèm pie é la ne ḿbyɛ́bɛ lyɛ̌’ gie Ssé ge lá’ cu’u Yerósalem.

Lukase 1:41

Lisape jú’u tsyɛ̀’te Malîɛ, múɔ ŋele lepfòm yé, à Zẅìge Ndʉalʉ̌a sẅɛ́’ ńkúu ná yé.

2 Piɛ 1:21

Á nue kɔ̀ɔkɔ́ɔ gie pà *ntsẅì nkʉ̀ Ssé lǎ tsẅi, pɔ́ laa gwaa tsẅi, a fóo pɔ́ nà legyè nyìŋ mesoŋ wɔ́. Pɔ́ gwaa gɔɔn nò gie Ssé ne ńkwoŋo ngie pɔ́ gɔɔn, à Zẅìge Ndʉalʉ̌a zɔ̌ tsóte wɔ́b tá pɔ́ gɔɔn.

Megàŋ ntúm 24:16

Áa mmó gie á gÿo tá mèŋ n ne ńkaga tʉ̀ légiŋ ndʉŋ ndʉŋ á mvfò Ssé, mbɔɔ mvfò pʉ̀a mesoŋ.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 10:2

Á gwɔ́ nyìŋ, pâ ngẅɛ̀ yé ntsèm pú ńgÿo mekù’ Ssé pà Yuda, ńjú’u ncwò wé. Á piŋ ńkẅéte pà Yuda pie ée mepóŋ tà é gyɔ́ɔn gyɔ̌ɔn, ńnéŋe sẅíŋte Ssé fʉ̀’ ntsèm.

Lukase 1:67

À Zẅìge Ndʉalʉ̌a pú ńjÿó tá we Sakarîɛ, á gɔɔn nò pá’ *ntsẅì nkʉ̀ Ssé lá, ngie:

Megàŋ ntúm 2:5

Á laa ná mɛ̌ melyɛ̌’, pà Yuda pie pɔ́ gÿo mekù’ Ssé, mbà pɔ́ ka fó tsɛ̀ɛ métúm ntsèm ńtó ńgwɔ́ Yerósalem.