Lukase 2:21 - Nouveau Testament en Ngienboum

²¹ Mé la zyé múɔ, é cʉa lyɛ̌’ lefɔ̌ɔn, mé pú’u yé, ńtsẅi lezíŋ sé le Yěsô, é gwɔ́ lezíŋ sie *cÿɔ́’ Ssé la ná tá má we lá’ shwóŋó yé.

Lukase 2:21 Referans Kwoze

Lukase 1:59

Mûɔ gẅiin lyɛ̌’ lefɔ̌ɔn, mé tóo lépú’u yé ḿbiŋ ńtsẅi lezíŋ sé, éfa’a létóŋo yé lé Sakarîɛ pá’ tá we.

Lukase 1:31

Jú’u: Ɔ̀ ge gwɔ́ shwoŋ, é gÿo zyé tà’ mûɔ mbàŋa, é tsẅi lezíŋ sé le Yěsô.

Filipo 2:8

À la zẅíŋe lésẅí’i mbùm yé ńnáa ssé, ḿbiŋ ńzẅíŋe lé jú’ ncwò Ssé, tà mé kíme yé nà tÿǒ nkǐ, á kwé.

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

Matio 1:25

Tá’ pɔ́ yé ké ńdá’ tè nuŋe, tà á gÿo ńzyé múɔ ŋwɛ́, Yesyɛ̂b tsẅi lezíŋ sé lê Yěsô

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b