Lukase 2:15 - Nouveau Testament en Ngienboum

¹⁵ *Cÿɔ́’ Ssé gwɔ́ tà ḿbiŋ nê tÿǒ lepwó, pàpyɛ́b mvfó gɔɔn tsetsɛ̀ɛ pɔ́b ngie: Pege gʉa tà ńkúu Mbetélehem, tá ńgyá nò gie á kẅɛ̌ wó li, á nò gie á kẅɛ̌ tà Cʉ̀apʉ̀a túm ngie mé tó shwóŋó wégè lɔɔn.

Lukase 2:15 Referans Kwoze

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

Lukase 24:51

Á ne ńnéŋe mbʉ́lè ná pɔ́b pú’u, ńně ńkwɔ́’ɔ ńgee nê tÿǒ lepwó.

Matio 12:42

Á ge lá’a lyɛ̌’ gie e Ssé ŋaga pʉ̀a mesoŋ, máfùɔ pà Shéba lu ssé ńtó ńtyé, ńzába nò twó pʉ̀a pie ee tsɛ̀ɛ njÿó fʉ’ɔɔn, á nue a lá jú’ ngie legye fùɔ Salomo pú ńcʉa se mânyìŋ ntsèm, éfó táa lá’ yé ńdu ssé ńtó, ńdɔg nÿɔ́g mé ńgyá yé. Nyìŋ gẅie a piŋe shwóŋó gẅi nò lyɛ̌’ɔɔn pi tě ńzẅíŋe wɔ́, esé legye cʉa se fùɔ Salomo.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Lukase 2:16

Pɔ́ gɔɔn pɛ́’ɛ, ńdêen ńdu Ssé ńgʉa lêtʉ tà ńkúu wó, ńgyá Malîɛ pɔ́ Yesyɛ̂b, ńgyá mûɔ mbÿɛ́, á núŋe tsɛ̀ɛ ngwʉ̌ŋ shúm léjÿó menɔ̀ɔn,