Lukase 2:10 - Nouveau Testament en Ngienboum

¹⁰ Tá *cÿɔ́’ Ssé ŋwɛ́ gɔɔn né pɔ́b ngie: Tà pi pɔ́g, mèŋ n tóo pɔ́ lépÿé gẅi nò mbòŋo, á gwɔ́ gie á ge náa máa lekág tsɛ̀ɛ ngwòŋ gẅí.

Lukase 2:10 Referans Kwoze

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Matio 14:27

Tá Yěsô gwóon ńgɔɔn né pɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Lukase 1:30

*Cÿɔ́’ Ssé gɔɔn ngie: Malîɛ, tè pɔ́g, e Ssé cÿǒ gʉm jú.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Megàŋ ntúm 13:32

Peg yég, peg tyě pá’ɔɔn, ńne ḿbÿé gẅi á yɛ̌ nò mbòŋo. Á gwɔ́ nò gie e Ssé la lá’ ńka’a mbwo pàmangʉa njʉ’ pà Israel.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Lukase 8:1

Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Lukase 1:19

*Cÿɔ́’ Ssé tsɔ́’ ngie: Mèŋ n gee Ngáapeleya, ńju’u mbwo Ssé. Yé zɔ tumó wɔ̀ɔn ngie n tó ńtsẅi wɔɔn nkʉ̀ mbòŋo mbwo gù.

Lukase 1:13

Tá *cÿɔ́’ Ssé gɔɔn né yé ngie: Sakarîɛ, te gíŋe ḿbɔ́g, e Ssé kéen ńjú’u nò gie ɔɔ ńtsẅé sẅíŋte yé mǒ, tà à ge cÿɔ’ɔ nzwě ɔ̀ Lisape, pi yé zyé tà’ mûɔ mbàŋa, ɔ̀ tsẅi lezíŋ sé le Jâŋ.

Malékuse 1:15

Afʉ̀’ áa pá’ɔɔn, mbà á kǔ’ tà Ssé ge zye lényɛ Lefùɔ sé. Pi kúbe mà gẅí, ḿbiŋ ńzẅíŋ nkʉ̀ mbòŋo wɔɔn ŋwɛ́.

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.

Malékuse 16:15

Ńdeen ńké ńgɔɔn né pɔ́b ngie: Pi gʉa jʉ’ ntsèm tsɛ̀ɛ njÿó, ńtsẅi nkʉ̀ mbòŋo mbwo mbɔɔ wɛ̌ nyìŋ mesoŋ wɔ́ té vʉ’ʉ tsɔ̌.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.