Biblia Todo Logo
Bib sou entènèt

- Piblisite -




Lukase 19:9 - Nouveau Testament en Ngienboum

9 Yěsô jú’, ńgɔɔn ngie: E Ssé gÿǒ yɔɔn tsìŋe ndá pú ńtsẅɛ́ lyɛ̌’ɔɔn, mélà’mie Sakîo giŋé ńgwɔ́ yé tsɔ̌ míŋ Ábalam!

Gade chapit la Kopi




Lukase 19:9
15 Referans Kwoze  

Pú’u la, pi zsé ngie pʉ̀a pie pɔ́ záb ntʉ́m wɔ́b nà Ssé zɔ̌ kwà’ ngẅɛ̀ gie e Ssé la ka’a mbwo Ábalam.


Ńgʉa ná manzwě wɔɔn gẅie aa nà ngẅɛ̀ Ábalam, mbà Sátà la leen ńkwɛ́ɛ yé, tà ée fʉ̀’ɔɔn ńdɔgɔ ńgwɔ́ ngù’ ntsɔ̀b lefɔ̌ɔn nê legém, mèŋ n kɔ’ɔ́ le kyɛ́’ nkÿo ná yé lyɛ̌’ɔɔn wɔ́, mélà’mie yɔɔn lyɛ̌’ɛ́ nzsè lá!


Áa mmó gie á gÿo, nyìŋ lɔg pɔ́ lézáb ntʉ́m nà Ssé tá ńgẅiin shúm sie mé la ká’. E Ssé lɔgɔ pú’u, ńcÿó pɔ́ gem yé, á lêen ńké ńcʉa pú’u, awɔ̌wɔ́ɔ gẅie aa nà ngẅɛ̀ Ábalam wɔ́ gẅiin ye mǒ. Tà é le gwɔ́ pɔ́ ndà’ pʉ̀a pie pɔ́ ńnéŋe ńjú’ yɔ́b pɔ́ mbwo *lepʉ̌ Mǒsê wɔ́, é gíŋe ńgwɔ́ mbɔɔ pʉ̀a pie pɔ́ zába yɔ́b pɔ́ ntʉ̀m nà Ssé pá’ Ábalam. Àa tá wege metsèm pie pege ee pʉ̀a Ssé.


Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.


Pá’ pi ee pʉ̀a Kristo la, pi lɔgɔ ńgwɔ́ ngẅɛ̀ Ábalam, ńgwɔ́ pàgẅiin gí mmó nà shúm sie e Ssé la ka’.


Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.


Pi kúbe pɔ́ mà, ńgÿo menò mbòŋo mie é nyɛɛ ngie pi kubé. Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee púɔ Ábalam. Tà mèŋ n ké shwóŋó gẅí: E Ssé ku’u lésele metóon pɔɔn ńdɔg ńgÿo ngẅɛ̀ Ábalam.


Oon n dɔ̌g nÿɔ́g mɔ́ɔn ńgyá pá’ ɔ̀ ge gÿo pʉ̀a mesoŋ tsẅɛ́.


Pi zsé ngie tsɔ́ pà gwɔ́ mvfò fʉ̀’ɔɔn ge lá’ cʉ́’ pà gwɔ́ nzèm, etsɔ́ pà gwɔ́ nzèm fʉ̀’ɔɔn lá’ ńgwɔ́ pà gwɔ́ mvfò.


Ngàŋ nkáb zye léga’te ngie: Tá wɔ̀ɔn Ábalam, tsɔ́ɔn mezìŋe mɔ́ɔn, ńtúmo Nǎzalo, à cÿɔ’ɔ múɔ tepwó we á nà ntse ńdɔg ńtó, ńcʉ́me nà lʉ́m yɔ́ɔn. Á nue m bǔ ńne ńgyá ngɔ́’ tsɛ̀ɛ mmɔ̌g wɔɔn tɛ’.


Ngàŋ nkáb gɔɔn ngie: Ngǎŋ, mbà tá wɔ̀ɔn Ábalam, áa nò tá’, nyìŋ lɔɔn fó lá’ mepfó ḿbiŋ ńtó shwóŋó wɔ́b, mbà pɔ́ ge jú’, é kúbe mà wɔ́b.


Swiv nou:

Piblisite


Piblisite