Lukase 19:5 - Nouveau Testament en Ngienboum

⁵ Yěsô gʉa tà ńkúu jʉ’ó, ḿbʉ’ʉ twó yé ńdíe yé, ńgɔɔn ngie: Lwo sẅɛ́’ me Sakîo, á poŋ ngie, n dá’ pɔ́ ndá gù lyɛ̌’ɔɔn.

Lukase 19:5 Referans Kwoze

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Heber 13:2

Tà pi lege lékúe megʉ̀ pie é tǒ mbʉ̀a pi, etsɔ́ pʉ̀a la lá’ ńkúe megʉ̀ kǔe, tà ńdá’a lyɛ̌’ ńkúe *mecÿɔ́’ Ssé té zsé.

Ŋwà’ne Jâŋ 1:48

Natanayɛl zɛ́te Yěsô ngie: Ɔ̀ zsé wɔ̀ɔn nzɔ̌? Yěsô tsɔ́’ɔ mbwo yé ngie: Filib ně ńgwaa tóŋo gú pá’a mèŋ n ně ńgyá gú gyá. Ɔ̀ kěen ńnéŋe le tsìŋe tÿǒ mbÿě ngem.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

Lukase 19:2

atsɔ̌ nyìŋ kẅɛ, lezíŋ sé gwɔ́ le Sakîo, á gwɔ́ tá ndá pàkẅé ncùb pà *Roma, ńgwɔ́ ngàŋa mmó tɛ’.

Lukase 19:4

Á kÿote ńgʉa mvfò, á nà shÿó gẅie Yěsô lɔ̌ɔn nge cʉa mǒ, ńkwɔ́’ ńzébe nà tsɔ́ tÿǒ, ḿbyɛ́b pá’ à ge gwaa cʉa à gyá yé.

Lukase 19:6

Sakîo gwôon sẅɛ́’, ńtyé ssé, ńdɔgɔ lékág ńkúe Yěsô.